सरकारले आफनो खाल्डो आफै खन्दै छ : काग्रेस नेता थापा
कृष्ण गैरे , साउन ०५ कपिलवस्तु,
नेपाली काग्रेसका केन्द्रीय सदस्य तथा युवा नेता गगन थापाले सरकारले आफनो खाल्डो आफै खनिरहेको वताउनुभएको छ । नेपाली काग्रेस कपिलवस्तुले जिल्लाको शिवराज नगरपालीका ०४ चनईमा आयोजना गरेको सभालाई संवोधन गर्दै नेता थापाले सरकारले गल्ती गर्दै अगाडी वढेकाले कांग्रेसले सरकारको विरोध गर्न जरुरी नभएको वताउनुभएको छ ।
आफनै खाल्डोमा आफै पुरिन लागेको सरकारलाई राम राम वाहेक अरु केहि भन्न नसकीने उहाको भनाई रहेको छ । कांग्रेसले प्रतिपक्षमा वसेर सरकारको राम्रो कामलाई सहयोग गर्न तयार भएपनि सकारले नागरिकको पक्षमा एउटा पनि काम गर्न नसकेको आरोप लगाउनुभएको छ ।
विकास निर्माण र विभिन्न कानुन निर्माण गर्ने प्रक्रियामा सरकारलाई सुझाव सल्लाहा सहितको सहयोग गर्न प्रतिपक्ष तयार रहेपनि सरकाले प्रतिपक्षको सुझावको लिन नचाहेकाले त्यस्तो सरकारलाई सुझाव दिन्छु भन्दै आफुहरु अगाडी नवढने वताउनुभएको छ । नेता थापाले सरकार गठन भएको डेढ वर्ष सम्म पनि सरकारले जनताको पक्षमा आश्वासन दिए अनुसारको काम गर्न नसकेकाले नागरिकमा निरासा छाएको वताउनुभएको हो ।
उहाले सरकार प्रति नागरिक असन्तुष्ट छन भनेर काग्रेस खुशि हुनु भन्दा पनि नागरिकहरु लाम्मो सघर्षवाट स्थापति गरेको व्यवस्था प्रति निरासा हुन्छन की भन्ने चिन्ता गर्ने वेला आएको वताउनुभएको छ । सरकारले विभिन्न वाहानामा जनतालाई आन्दोलन गर्न वाध्य वनाएकाले नागरिकहरु असन्तुष्ट भएको उहाको धारणा रहेको छ । मुलुकमा प्रत्येक वर्ष ५ लाख नंया रोजगारीको अवसरहरु सिर्जना गर्नुपर्ने आवश्यकता रहेपनि सरकारले रोजगारको अवसरहरु निर्माण गर्न नसक्दा मुलुकवाट युवाहरु वाहिरीने क्रम नरोकिएको वताउनुभएको छ । स्वदेश तथा विदेशी लगानीकर्तालाई प्रोत्साहान गरी नंया उधोग धन्दा स्थापना गरी रोजगारीका अवसरहरु वढाउनुको विकल्प नभएको वताउनुभएको छ ।
कार्यक्रममा नेपाली काग्रेसका नेता तथा प्रतिनिधि सभा सदस्य अभिषेक प्रताप शाहले कांग्रेसले कसैलाई तोडने भन्दा पनि जोडने तर्फ अग्रसर हुनुपर्ने वताउनुभएको छ । स्थानीय तहका प्रतिनिधिले पनि जनताको अपेक्षा अनुसार काम गर्नुपर्ने वताउनुभएको हो । यस्तै प्रदेश सभा सदस्य विरेन्द्र कुमार कनौडीयाले विकास निर्माणको कार्यमा सरकारले पार्टि निकटका ठेकेदारलाई मात्र स्थान दिएको वताउनुभएको छ । दिगो रोजगारीका अवसर सिर्जना गर्नुको साटो प्रधानमन्त्री रोजगार कार्यक्रमको नाममा सडकमा झाडु लगाएर अर्वौ रकम सखाप पारेको आरोप लगाउनुभएको छ ।
कार्यक्रमलाई काग्रेस युवा नेता अजय थापा , जिल्ला सदस्य हुमाकान्त खनाल जिल्ला सभापति सुरेन्द्रराज आर्चाय लगाएतले संवोधन गरेका थिए । कार्यक्रमको संचालन जिल्ला सचिव प्रेम वहादुर रायमाझीले गर्नुभएको थियो ।
१२ सय जना पार्टि प्रवेश ….
विभिन्न पार्टि परित्याग गरी करिव १२ सय जना नेपाली काग्रेसमा प्रवेश गरेको नेपाली काग्रेसका जिल्ला सचिव प्रेमवहादुर रायमाझीले वताउनुभएको छ । राप्रपावाट देवराज भारती र केशरी प्रसाद जयसवाल ,नेकपावाट रामचन्द्र अधिकारी, सुनिल केवट, विजयसिंह चौधरी तथा विवेकशिल साझा पार्टिका जिल्ला संयोजक विष्णुप्रसाद पराजुलीको नेतृत्वमा करिव १२ सय जना नेपाली काग्रेसमा प्रवेश गरेको क्षेत्रीय सचिव कमल क्षेत्रीले जानकारी दिनुभएको छ ।