Connect with us
Kapilvast Forest

असारे विकास: दिनको साढे चार अर्ब सकिँदै

२०७६, १७ असार मंगलवारमा प्रकाशित

काठमाडौं । राजधानीबाट प्रकाशित हुने राष्ट्रियस्तरका पत्रपत्रिकाले मंगलबार फरक – फरक विषयलाई प्राथमिकता दिएर समाचार प्रकाशन गरेका छन् ।

कान्तिपुर दैनिकमा असारे विकासबारेको समाचारले प्रमुख स्थान पाएको छ । समाचार अनुसार असारे विकासका नाममा दिनहुँ साढे ४ अर्ब रुपैयाँ खर्च भइरहेको छ । असारमा १० प्रतिशत खर्च नगर्ने संसदीय समितिको निर्देशन भएपनि विकासका नाममा दिनको ४ अर्ब रुपैयाँ सक्ने गरिएको छ । कान्तिपुरले रानी -विराटनगर -इटहरी -धरानमा ६ लेनको सडकको विराटनगर खण्डमा आइतबार मात्रै कालोपत्रे गरेको समाचार छापेको छ । चालु आर्थिक वर्षमा पूरा गरीसक्नुपर्ने ४९ किमि कालोपत्रे हालसम्म ७.५ किमि मात्रै सरकएको छ । यसप्रकारको विकास देशैभर भइरहेको समाचारमा विश्लेषण छ ।

अन्नपूर्ण पोष्ट् दैनिकमा प्रधानमन्त्री केपी ओलीले दाहाललाई धेरै विश्वास गरेको समाचार प्राथमिकताका साथ छापिएको छ । पार्टी संसदीय दलको सोमबारको बैठकमा सहमतिपत्रबारे सांसदहरुले प्रश्न उठाएपछि अध्यक्ष ओलीले भने, ‘पार्टी हितका निम्ति र कम्युनिष्ट पार्टीलाई बलियो बनाउन मैले हस्ताक्षर गर्न सक्छु भनेको थिएँ । प्रचण्डले ल्याउनुभयो मैले हस्ताक्षर गरिदिएँ । त्यसपछि मात्र मैले अध्ययन गरेको हुँ । ’ बैठकमा सांसदहरुले पछिल्लो चरण पार्टी कार्यदिशामा दुई अध्यक्षमा देखिएको मतभेद, सरकारका काम, पार्टी एकताका क्रममा भएका सहमति, बजेट र विधेयक निर्माणमा केन्द्रीत रहेर नेताहरुलाई प्रश्न गरेका छन् । बैठकमा ओलीले आफूहरु एकताबद्ध भएर अगाडि जानुपर्ने बताउनुभएको र प्रचण्डले आफ्ना कुरा राख्ने क्रममा पार्टी एकतामै अर्को अर्थ लाग्ने गरी अभिव्यक्ति दिएको रहेछु भने फिर्ता लिने बताउनुभएको थियो ।

नयाँ पत्रिका दैनिकले ‘भद्रगोल कांग्रेस’ शीर्षकमा प्रमुख समाचार छापेको छ । समाचारमा संसारभरका कार्यकर्तालाई प्रशिक्षण दिन डेनमार्कमा भेला गरेपनि कांग्रेसको देशभित्रकै अवस्था लथालिंग रहेको विश्लेषण छ । समाचारमा देशमा ७५३ स्थानीय तहमा नयाँ समिति बन्न नसकेको, केन्द्रीय समिति नै अपुरो रहेको, दुई महिनामा गठन हुनुपर्ने विभाग र समिति तीन वर्षमा पनि गठन हुन नसकेको उल्लेख गरिएको छ । यस्तै, निगमका जहाज किन उड्दैनन् ? जहाज नउडाउने, घाटा बढाउने किन भइरहेछ ? भनेर निगमलाई प्रधानमन्त्रीले प्रश्न गर्नुभएको समाचार पनि प्रथम पृष्ठमै समेटिएको छ ।

राजधानी दैनिकले सर्वोच्चबाट लोकसेवाको विज्ञापन रोक्न अस्वीकार गरेको समाचारलाई मुख्य समाचार बनाएको छ । लोकसेवाको विज्ञापन रोक्न अस्वीकार भएसँगै आवेदन दर्ता गराएका ४ लाख बढी आवेदकले परीक्षा दिन पाउने भएका छन् । यसैगरी पत्रिकाले अमिन तयारी कक्षामा लाखौं ठगी शीर्षकमा अर्को मुख्य समाचार समेत छापेको छ ।

Vijay Steel Galaxy Crusher Chandrauta Kapilvastu Shivaraj
Advertisement Agriculture Development Bank Bahubali Cement
Advertisement Siddhartha Education Consultancy Chandrauta Kapilvastu Sadak Division Shivaraj Chandrauta Kapilvastu Shivaraj Chandrauta Kapilvastu Shivaraj Chandrauta Kapilvastu Bikar Etta Udhyog Kapilvastu: न्यु ज्याेति ईट्टा उद्योगको उत्कृष्ट ईट्टा,