Connect with us
Kapilvast Forest

दुई लागूऔषध कारोबारीसहित ३ पक्राउ

२०७६, १८ असार बुधबारमा प्रकाशित

रौतहट । ईलाका प्रहरी कार्यालय चन्द्रनिगाहपुरले विभिन्न आपराधीक क्रियाकलाप गर्ने तीन जनालाई पक्राउ गरी सार्वजनिक गरेको छ । प्रहरीले सोमबार चन्द्रपुर ८ स्थित धुर्मुस सुन्तली फाउण्डेशन जाने भित्री बाटोमा रोकिएको ना २ ह ५३०६ नम्बरको अटोमा लुकाई छिपाई राखिएको अवस्थामा ५ किलो गाँजा सहित गौर नगरपालिका ४ गढवा बस्ने बर्ष २२ को राकेश कुमार कुशवाहालाई पक्राउ गरेको छ । पक्राउ परेका राकेशले दिएको बयान अनुसार जंगल लुकाएर राखेको अवस्थामा थप १० किलो गाँजा बरामद भएको ईलाका प्रहरी कार्यालय चन्द्रनिगाहपुरका प्रमुख डिएसपी ज्ञान कुमार महतोले पत्रकार सम्मेलन मार्फत जानकारी दिनुभयो ।

पक्राउ परेका राकेश पेसेवर गाँजा तस्कर रहेको र चन्द्रपुर १ को बागमतीबाट गाँजा किनेर गौर हुदै भारतमा तस्करी गर्ने गरेको प्रारम्भिक अनुसन्धानबाट खुलेको डिएसपी महतोले बताउनुभयो । यता, चन्द्रपुर नगरपालिका ४ स्थित चपुर चोकबाट लागुऔषध सहित एक जनालाई पक्राउ गरेको प्रहरीले जानकारी दिएको छ ।

१ सय पत्ता(३ हजार पिस) नाईट्रोभेट ट्याबलेट सहित प्रहरीले वृन्दावन नगरपालिका ६ बस्ने वर्ष १९ को शैख अतिकु रहमानलाई ना ४१ प ८४७८ नम्बरको मोटरसाइकलमा गौरबाट चपुर आँउदै गरेको अवस्थामा शंका लागेर चेकजाँच गर्दा शरीरको पिठ्युमा लुकाएको अवस्थामा लागुऔषध नाईट्रोभेट सहित पक्राउ गरेको डिएसपी महतोले जानकारी दिनुभयो । उहाँका अनुसार पक्राउ परेका रहमान लागुऔषध कारोबारी र दुव्र्यसनी समेत भएको महतोले बताउनुभयो ।

रहमान सुधार केन्द्रमा समेत ३ महिना बसिसकेको र यस अघि पनि ५८ दिन थुनामा परिसकेका पेशेवर लागुऔषध कारोवारी भएको डिएसपी महतोले बताए । यस्तै, प्रहरीले जिल्लाको चन्द्रपुर नगरपालिका वडा नम्बर २ स्थित कछडिया टोलबाट साइकलमा ७ फिटको २ थान सालको गोलिया सहित सोही स्थानमा बस्ने भरोसी कुँवरलाई पक्राउ गरी डिभिजन वन कार्यालय चन्द्रनिगाहपुर, रौतहटमा बुझाएको जानकारी दिएको छ ।

त्यस्तै प्रहरीले मंगलबार नक्कली मह बनाउन प्रयोग गरिने १ सय लिटर कच्चा पदार्थ बरामद गरेको छ । नक्कली मह बनाउन प्रयोग हुने कच्चा पदार्थ १ सय लिटर,दुई थान बाल्टिन महको चाका र ८ केजी चिनी बरामद गरेको जानकारी दिएको छ । चन्द्रपुर नगरपालिका १ स्थित क्यान्टिन बजारमा जनप्रतिनिधि, बुद्धिजिवि, प्रहरी र स्थानीयले सरसफाई गर्ने क्रममा नक्कली मह बनाउने कच्चा पदार्थ फेला परेको भएपनि नक्कली मह बनाउने गिरोहको पहिचान हुन नसकेको र खोजतलास जारी रहेको डिएसपी महतोले जानकारी दिए ।

त्यस्तै प्रहरीले बुधबार करिब १ हजार लिटर मदिरा नष्ट गरेको छ । बिभिन्न स्थानमा चेकजाँच गर्ने क्रममा बरामद भएको अबैध घरेलु मदिरा पत्रकार, बुद्धिजिविको उपस्थितीमा खाडल खनेर नष्ट गरेको छ ।

Vijay Steel Galaxy Crusher Chandrauta Kapilvastu Shivaraj
Advertisement Agriculture Development Bank Bahubali Cement
Advertisement Siddhartha Education Consultancy Chandrauta Kapilvastu Sadak Division Shivaraj Chandrauta Kapilvastu Shivaraj Chandrauta Kapilvastu Shivaraj Chandrauta Kapilvastu Bikar Etta Udhyog Kapilvastu: न्यु ज्याेति ईट्टा उद्योगको उत्कृष्ट ईट्टा,