Connect with us
Kapilvast Forest

बजेटमा भ्वाङैभ्वाङ

२०७६, २४ असार मंगलवारमा प्रकाशित

काठमाडौं । राजधानीबाट मंगलबार प्रकाशित भएका विभिन्न पत्रपत्रिकाले फरक -फरक विषयका समाचारलाई प्राथमिकता दिएर समाचार प्रकाशित गरेका छन् ।

अन्नपूर्ण पोस्ट् दैनिकले बजेटमा भ्वाङैभ्वाङ शीर्षकमा समाचार प्रकाशित गरेकाे छ । सार्वजनिक खर्च प्रणाली पुनरावलोकन आयोगले संघीय सरकारको आकार घटाउने सुझाव दिएको छ ।तल्लो तहका सरकारको क्षमता विस्तार गरी सार्वजनिक सेवा प्रवाह गुणस्तरीय बनाएर संघीय प्रणाली प्रभावकारी बनाउन आयोगले प्रतिवेदनमार्फत सुझाव दिएको हो ।

समाचार स्रोतका अनुसार आयोगले मुलुकभर ३ हजार ५ सय कार्यालय र ९५ हजार कर्मचारी दबरबन्दीलाई संघ, प्रदेश र स्थानीय सरकार क्रमशः ३५,२०,र ४० हजार कर्मचारी समायोजन गर्न सुझाव दिएको छ । संघीय सरकारमा मन्त्रालयको संख्या १८ उपयुक्त हुने भनिए पनि सरकारले २५ मन्त्रालय राखेको छ ।

नयाँ पत्रिका दैनिकले ‘अझै टुंगिएन स्वास्थ्यका कर्मचारीको समायोजन’ शीर्षकमा समाचार छापेको छ । सरकारले कर्मचारी समायोजन सकिएको घोषणा गरेको तीन महिना नाघिसक्दा पनि स्वास्थ्यतर्फ ठूलो संख्याका कर्मचारीको समायोजन नै भएको छैन । तर मन्त्रालयले समायोजन टुंगिएको घोषणा गरे मन्त्रालयले स्वास्थ्यतर्फका करिब एक हजार कर्मचारीको मात्र समायोजन सकिएको जनाएको छ ।

नेकपाले हटायो ‘साम्यवाद’ शीर्षकमा नागरिक दैनिकले समाचार छापेको छ । तत्कालीन नेकपा एमाले र माओवादी केन्द्रको एकीकरणपछि तयार पारिएको राजनीतिक दस्तावेजबाट साम्यवाद हटाइएसँगै अहिले त्यो प्रकाशनको क्रममा रहेको छ । नेकपा अध्यक्षद्वय केपी ओली र पुष्पकमल दाहालबीच भएको सहमतिसँगै राजनीतिक दस्तावेज प्रकाशन हुन लागेको हो भने नेकपाले औपचारिक रुपमा साम्यवाद हटाउने भएको हो ।

राज्यकोषको २४ अर्ब डुबाउनेमाथि अख्तियारको छानबिन शीर्षकमा राजधानी दैनिकले समाचार छापेको छ । सरकारबाट २४ अर्ब रुपैयाँ पेस्की लिएर बेपत्ता भएका ठेकेदारमाथि छानबिन थालेको छ । विभिन्न विकास आयोजनाकोे नाममा ठेकेदारहरुले पेस्की स्वरुप राज्यकोषबाट लिएको २४ अर्ब रुपैयाँ डुब्ने अवस्थामा पुगेको भन्दै उनीहरुमाथि छानबिन थालेको हो ।

Vijay Steel Galaxy Crusher Chandrauta Kapilvastu Shivaraj
Advertisement Agriculture Development Bank Bahubali Cement
Advertisement Siddhartha Education Consultancy Chandrauta Kapilvastu Sadak Division Shivaraj Chandrauta Kapilvastu Shivaraj Chandrauta Kapilvastu Shivaraj Chandrauta Kapilvastu Bikar Etta Udhyog Kapilvastu: न्यु ज्याेति ईट्टा उद्योगको उत्कृष्ट ईट्टा,