बस दुर्घटना : ३ को मृत्यु, १५ घाइते
काठमाडौं । ओखढुंगामा बस दुर्घटना भएको छ । बस दुर्घटना हुँदा तीन जनाको मृत्यु भएको छ । १५ जना घाइते भएका छन् ।
काँकडभिट्टाबाट सोलुखुम्बुका जाँदै गरेको मे १ ख १८९१ नम्बरको बस सिद्धिचरण राजमार्ग अन्तरर्गत ओखढुंगाको मानेभञ्ज्याङ गाउँपालिका–६ मा दुर्घटना भएको प्रहरीले जनाएको छ ।
प्रहरीका अनुसार मृत्यु हुनेमा दुुई जना पुरुष र एक जना महिला रहेका छन् । घाइतेमध्ये चार जनालाई काठमाडौं ल्याइएको र बाँकीको उदयपुरको घुर्मीमा रहेको स्वास्थ्य संस्थामा उपचार भइरहेको पनि प्रहरीले जनाएको छ ।
दुर्घटना बुधबार बिहान ३ बजेतिर भएको हो । चिप्लो बाटो भएर दुर्घटना भएको हुनसक्ने अनुमान गरिएको छ ।