Connect with us
Kapilvast Forest

असारे विकास खर्च : दैनिक पाँच अर्ब

२०७६, २६ असार बिहीबारमा प्रकाशित

काठमाडौं । राजधानीबाट बिहीबार प्रकाशित विभिन्न पत्रपत्रिकाले नेत्र विक्रम चन्द ‘विप्लव’ समूहका कार्यकर्ता बिचको मुडभेडपछि २ जनाको मृत्यु भएको खबर सहित अन्य फरक – फरक विषयलाई प्राथमिकतामा राखेर समाचार प्रकाशित गरेका छन् ।

अन्नपूर्ण पोष्ट् दैनिकले आर्थिक वर्ष सकिनै लाग्दा सरकारको दैनिक विकास खर्च अत्याधिक बढ्दै गएको उल्ल्लेख गर्दै ‘पैसा सक्न चटारो’ शीर्षकमा मुख्य समाचार छापेको छ । महालेखा नियन्त्रक कार्यालयले असार १५ पछि दैनिक एक अर्ब रुपैयाँ हाराहारीमा खर्च हुँदै आएकोमा मंगलबार र बुधबार दैनिक पाँच अर्ब रुपैयाँभन्दा बढी खर्च भएको जनाएको छ । असारमै विकास खर्चको ४० देखि ५० प्रतिशत खर्च हुने क्रमलाई दुई तिहाइ नेतृत्वको सरकारले पनि निरन्तरता दिएको प्रसंग राख्दै पत्रिकाले विश्लेषणात्मक समाचार बनाएको छ ।

कान्तिपुर दैनिकले भोजपुर सदरमुकामस्थित शनिबारे हटियामा रहेको पान्धारे होटल नजिकै विप्लव समूहका कार्यकर्ताले जिल्ला प्रहरी कार्यालय भोजपुरमा कार्यरत प्रहरी जवान सञ्जीव राईलाई गोली हानेको समाचारलाई प्रमुख स्थान दिएको छ । समाचार अनुसार प्रहरीको जवाफी कारबाहीमा विप्लव समूहका ओखलढुंगा इन्चार्ज निरकुमार राईको समेत मृत्यु भएको छ । कान्तिपुरमा प्रतिबन्धपछि विप्लव समूहका ८ जना मारिएको उल्लेख छ ।

नागरिक दैनिकले भोजपुरमा भएको विप्लव समूह र प्रहरीबिचको दोहोरो भिडन्तको समाचारका साथै शिक्षकको कुटाइबाट घाइते छात्रको मृत्यु भएको खबरलाई प्रथम पृष्ठमा छापेको छ । समाचारमा उल्लेख भए अनुसार कञ्चनपुरको भिमदत्त नगरपालिका -१७ मझगाउँस्थित महाकाली बाल विद्यालयका छात्र १५ वर्षीय माधव कलौनीको उपचारको क्रममा मृत्यु भएको हो ।

नयाँ पत्रिका दैनिकले त्रिभुवन विश्वविद्यालयको विद्यार्थी भर्ना र पठनपाठनमा भद्रगोल देखिएको विषयलाई केन्द्रीत गरेर प्रमुख समाचार छापेको छ । समाचारमा त्रिविमा स्नातक तहको पहिलो वर्षमा काुनन शिक्षा अध्ययन गर्नेहरुको संख्या १० हजार ८ सय ६८ पुगेको भएपनि अब कति संख्यामा भर्ना गर्ने भन्ने अन्यौलता देखिएको उल्लेख छ । नेपाल ल क्याम्पसमा प्राध्यापक, कक्षाकोठा, डेस्क, बेन्च र अन्य सुविधा उस्तै रहेको तर एक विद्यार्थीको ठाउँमा ३६ विद्यार्थी भर्ना गरिएको समाचारमा विश्लेषण छ ।

कारोबार दैनिकमा भ्याट र ट्रयाकिङ्विरुद्द ट्रक व्यवसायी आन्दोलित भएको र बुटवद गोरखपुर विद्युत प्रसारण लाइनमा अलमल भएको जस्ता समाचारलाई प्रथम पृष्ठमा समेटिएको छ ।

Vijay Steel Galaxy Crusher Chandrauta Kapilvastu Shivaraj
Advertisement Agriculture Development Bank Bahubali Cement
Advertisement Siddhartha Education Consultancy Chandrauta Kapilvastu Sadak Division Shivaraj Chandrauta Kapilvastu Shivaraj Chandrauta Kapilvastu Shivaraj Chandrauta Kapilvastu Bikar Etta Udhyog Kapilvastu: न्यु ज्याेति ईट्टा उद्योगको उत्कृष्ट ईट्टा,