कपिलवस्तुमा निःशुल्क विरुवा वितरण
अर्जुन बेल्बासे, कपिलवस्तु असार ३१
कपिलवस्तुका कृषकहरुलाई निःशुल्क विरुवा वितरण थालिएको छ । कपिलवस्तुमा रहेको कपिलवस्तु साझेदारी वन व्यवस्थापन समितिले विभिन्न प्रजातिका १ लाख विरुवा वितरण थालेको हो । यस वर्ष कपिलवस्तु साझेदारी वनले साहगवन (टिक) ५० हजार, मसला, अमला, सिसौ, खयर, मोरींगा, सिमल लगायत ५० हजार गरी १ लाख विरुवा वितरण सुरु गरिएको समितिका अध्यक्ष गंगेश नाथ तिवारीले जानकारी दिनु भयो ।
यस क्षेत्रका उपभोक्ताहरुले महाराजगंजमा रहेको नर्सरीमा सम्पर्क गरि निशुल्क रुपमा विरुवा लिन सक्ने कपिलवस्तु सझेदारी वनका सहायक वन अधिकृत एजाज अहमद अन्सारीले जानकारी दिनु भयो ।
उहाँका अनुसार, धेरै मात्रामा विरुवा माग गर्ने कृषकहरुलाई सम्बन्धित वडा कार्यालयको सिफारिस अनिवार्य गरिएको छ भने थोरै मात्रामा विरुवा लैजानेलाई सहज रुपमा वितरण गरिएको छ ।
कपिलवस्तु सझेदारी वनले आफ्नै नर्सरीमा उत्पादन गरेका विरुवा उपभोक्ता तथा कृषकहरुको मागको आधारमा वितरण थालिएको कार्यालयका रेन्जर गणेश पुरीले बताउनु भयो ।
कपिलवस्तु सझेदारी वनले साहगवन (टिक) मसला, अमला, सिसौ, खयर, मोरींगा, सिमल सिसौ, टिक, सफेता लगायतका रुखहरुको विरुवा समेत वितरण गर्दै आएको छ ।
त्यस्तै डिभिजन वन कार्यालय गौतम बुद्ध कार्यालय अन्तरगत करिब पाँच लाख विरुव उत्पादन गरी वितरण कार्य भैरहेको डिभिजन प्रमुख दुर्गा बहादुर कार्कीले जानकारी दिनु भयो ।
उजाड र वन अतिक्रमित क्षेत्रमा बृक्षारोपण गर्नका लागि विरुवा वितरण गरिएको प्रमुख कार्किले जानकारी दिनु भयो ।