Connect with us
Kapilvast Forest

शिक्षामा गुणस्तरीय सुधार ल्याउन शिवराजमा बाल कचहरी

२०७६, ३ श्रावण शुक्रबारमा प्रकाशित

बालमैत्री विद्यालय गुणस्तरीय शिक्षाको सवालमा कपिलवस्तुको शिवराजमा बाल कचहरी कार्यक्रम सम्पन्न भएको छ । बाल कचहरी मार्फत विद्यालयलाई बालमैत्री र गुणस्तरीय शिक्षाका लागि कार्यक्रम गरिएको हो । बालमैत्री विद्यालय संचालन र गुणस्तरीय शिक्षा संचालनमा पारदर्शिता, जवाफदेहिता, समावेशी र सहभागितामा वृद्धि गर्न बाल कचहरी गरिएको किर्डाक नेपालका कार्यक्रम संयोजक श्री बहादुर भण्डारीले बताए । सेवाप्रदायक र सेवाग्राहीबीच सेवाप्रवाहमा प्रभावकारिता ल्याउन बाल कचहरी गरिएको भण्डारीले स्पष्ट पारे ।

कार्यक्रममा शिवराज नगरपालिका वडा नं. १ का वडाध्यक्ष जगत बहादुर जि.सी.ले समयको माग अनुसार शिक्षामा नीतिगत परिवर्तन आवश्यक रहेको बताए । वर्तमान युगमा शिक्षालाई डिजिटलमैत्री बनाउनुपर्नेमा जि.सी.ले जोड दिए ।

शिवराज नगरपालिकाले समेत शिक्षाको गुणस्तरमा सुधार ल्याउन विभिन्न योजना ल्याएको वडाध्यक्ष जिसीले बताए । “अहिले नगरपालिकाबाट स्वयंसेवक शिक्षकको व्यवस्थापन गरेका छौं । अपांगता बालवालिकाका लागि एकका लागि एक कार्यक्रम संचालन गरिएको छ । पोषणका लागि गर्भवती पहिचान तथा गर्भवती भेटघाट कार्यक्रम लागू गरेका छौं ।” –उनले भने ।

शिवराज नगरपालिका शिक्षा शाखा प्रमुख लोकराज पन्थीले विद्यालयको नतिजामा सुधार ल्याउन आधारभूत तहको अन्त्यमा नगरस्तरीय परीक्षा संचालनमा ल्याएको जानकारी दिए । शिक्षा शाखा प्रमुख पन्थीले नगरभित्र संचालनमा रहेका विद्यालयलाई प्लास्टिक मुक्त बनाउन आफूले भरपूर कोशिश गर्ने विचार व्यक्त गरे । विद्यार्थीलाई व्यवहारिक ज्ञानका लागि विद्यालयमा जीवनोपयोगी सीपका कक्षाहरू संचालन गर्न अभिप्रेरित गर्ने शिक्षा शाखा प्रमुख पन्थीले औल्याए ।

सबैको सहभागितामा विद्यालय सुधार योजना निर्माण र समिक्षा गर्नुपर्ने उनले जिकिर गरे । बिद्यार्थीको अन्य क्षमता विकास गर्न अतिरिक्त क्रियाकलाप, बालसमूह गठन तथा परिचालनका साथै नियमित सार्वजनिक सुनुवाइ गरेमा शैक्षिक विकासमा टेवा पुग्ने उनले विश्वास व्यक्त गरे ।

किर्डाक नेपालमार्फत संचालित शिवपुर १, का किशोरकिशोरी संवाद केन्द्रहरुले बाल कचहरीको आयोजना गरेका थिए । कार्यक्रममा स्टोम फाउन्डेसनको सहयोग र किर्डाक नेपालको सहजीकरण रहेको थियो । बाल कचहरीमा शिवराज नगरपालिका वडा नं. १ अन्तर्गत विभिन्न विद्यालयका अध्यक्ष र प्रधानाध्यापकहरू जवाफदेहीको रुपमा थिए । भने संवादकेन्द्रका संवाद सहयोग समिति, एनिमेटर, किशोरकिशोरी, वालक्लव तथा युवाक्लव, आमा समूह, अभिभावक र स्थानीयको सहभागिता रहेको थियो । बाल कचहरीको अन्त्यमा शैक्षिक गुणस्तरमा आमूल परिवर्तन ल्याउन सहभागीले आठ बँुदामा लिखित प्रतिबद्धता जाहेर गरेका थिए ।

बालमैत्री विद्यालय निर्माण गर्न गरिएका प्रतिबद्धताहरु ः

· विद्यालय सुधार योजनालाई सहभागितामूलक रूपमा निर्माण गरी कार्यन्वयन गर्ने ।

· सार्वजनिक सुनुवाई विद्यालले नियमित रूपमा संचालन गर्ने ।

· विद्यालयमा बन्ने भौतिक संरचना बालमैत्री र अपांगमैत्री निर्माण गर्ने ।

· विद्यालयलाई प्लास्टिक मुक्त बनाउन प्र.अ. बैठकमा छलफल गरी कार्यान्वयनमा ल्याउने ।

· विद्यार्थीका गुनासो सुनुवाईका लागि प्रत्येक विद्यालयमा गुनासो सुनुवाई पेटिका व्यवस्थापन गर्ने र सुनुवाई संयन्त्र बनाउने ।

· बालबालिकालाई हरेक कार्यक्रम तथा निर्णय प्रक्रियामा सहभागी गराउने ।

· छात्रछात्रालाई छुट्टाछुट्टै शौचालय व्यवस्थापन गर्ने ।

· विद्यालयलाई बालमैत्री बनाउन पहल गर्ने ।

Vijay Steel Galaxy Crusher Chandrauta Kapilvastu Shivaraj
Advertisement Agriculture Development Bank Bahubali Cement
Advertisement Siddhartha Education Consultancy Chandrauta Kapilvastu Sadak Division Shivaraj Chandrauta Kapilvastu Shivaraj Chandrauta Kapilvastu Shivaraj Chandrauta Kapilvastu Bikar Etta Udhyog Kapilvastu: न्यु ज्याेति ईट्टा उद्योगको उत्कृष्ट ईट्टा,