चन्द्रौटामा खुल्ला नकआउट भलिबल प्रतियोगिता, रोहिणी भलिबल क्लव देवदह प्रथम

नवराज पौडेल  कपिलवस्तु साउन १०

कपिलवस्तुको शिवराज नगरपालिका स्थित वार्ड नं ५ चन्द्रौटामा संचालन भएको खुल्ला नकआउट भलिबल प्रतियोगिता विहिबार सम्पन्न भएको छ ।

समिती युथ क्लवको आयोजनामा यही साउन ७ गते बाट सुरु भएको खुल्ला नकआउट भलिबल प्रतियोगिता विहिबार सम्पन्न भएको हो । विहिबार भएको फाइनल खेलमा प्रदेश नं. ५ वाहिनी एपीएफ चन्द्रौटालाई ३—० को सोजो सेटमा पराजित गर्दै रोहिणी भलिबल क्लव देवदहले प्रथम स्थान हासिल गर्दै मेडल,ट्रफी प्रमाण पत्र सहित रु.३०,००० को उपाधीको हात पारेको छ ।भने एपीएफ ले रु २०,००० मा नै चित्त बुझाएको छ ।

यस्तै आयोजक बी टिम लाई पराजित गर्दै नमुना ज्योती युवा क्लव हल्लानगरले तृतिय स्थान हासिल गरि रु १०,००० प्राप्त गरेको समिती युथ क्लवका प्रवक्ता गम्भिर पुनले जानकारी दिनुभयो ।

खेल जगतको विकास गर्न साथै ओझेलमा पर्दै गएको भलिबल खेलको माध्यमबाट शिवराज नगरपालिका लाई साथै कपिलवस्तु जिल्लाकै चिनारी राख्ने उद्देश्यले साथै भलिबल खेलको विकास गर्न आयोजना गरिएको र खेल भव्य रुपले सम्पन्न भएको समिती युथ क्लबका अध्यक्ष सिद्धिमान जि.सी ले बताउनु भयो ।