गृहकार्य नपुग्दा नेकपा सचिवालय बैठक स्थगित
काठमाडौं । नेपाल कम्युनिष्ट पार्टी.नेकपा)को मंगलबारको बैठक गृहकार्य नपुग्दा स्थगित भएको छ ।
बैठक प्रधानमन्त्री निवास बालुवाटारमा दिउँसो ३ बजेको लागि तोकिएको सचिवालय सदस्यहरु जुटेपनि छलफल तथा निर्णयको बिषयमा गृहकार्य नपुग्दा स्थगित भएको हो ।
प्रवक्ता नारायणकाजी श्रेष्ठले गृहकार्य नपुग्दा बैठक स्थगित गरी बुधबार बिहान ११ बजेको लागि सारिएको जनता समाचारलाई जानकारी दिनुभयो । ‘अध्यक्षज्यूले होमवर्क पुगेन, आज स्थगित गरौ भन्नुभयो, त्यसपछि भोलिका लागि सारिएको हो’ उहाँले भन्नुभयो ।