पेट्रोलियम आयातको वृद्धिदर घट्यो, विद्युत प्राधिकरण मख्ख !

३ भदौ, काठमाडौं । नेपालको ब्यापार घाटा बढाउन सबैभन्दा ठूलो उत्प्रेरकको भूमिका खेल्दै आएको छ पेट्रोलियम पदार्थ आयातले । हरेक वर्ष पेट्रोलियम आयात उच्च दरले बढ्दा वैदेशिक व्यापारको असन्तुलन पनि झन् पेचिलो बन्दै गएको छ । तर, पछिल्लो आर्थिक वर्षमा भने यो वृद्धिदर केही शिथिल देखियो ।

भारतले नाकाबन्दी लगाएको वर्र्षबाहेक नेपालमा पेट्रोलियम पदार्थको आयातको वृद्धिदर निरन्तर बढ्दै आएको थियो । बितेको चार वर्षमा नै माग दोब्बर भएको तथ्यांकले देखाएको छ । तर, आर्थिक वर्ष २०७५/७५ मा भने वृद्धिदर घट्नुलाई विद्युत प्राधिकरणका हाकिमले विजुलीको पर्याप्ततासँग जोडेका छन् ।