बिरामी भेट्न कश्मीर पुगेका नेता सीताराम येचुरी र डी राजा पक्राउ
काठमाडौं । बिरामी नेतालाई भेट्न गएका भारतका कम्युनिष्ट पार्टीका नेता सीताराम येचुरी र डी राजालाई प्रहरीले पक्राउ गरेको छ । भारतीय कम्युनिष्ट पार्टी ‘मार्क्सवादी’ का महासचिव येचूरी र राजालाई कश्मीरस्थित श्रीनगरबाट पक्राउ गरिएको हाे ।
आफ्नो गिरफ्तारीबारे येचुरीले ट्विटमार्फत जानकारी गराएका छन् । येचुरीको पक्राउलाई लिएर भाकपाले भारतीय सरकारबाट गैरकानुनी कदम अघि बढेको भन्दै विरोध गरेको छ।
भ्रमण तय गर्नु अघि येचुरी र राजाले जम्मू-कश्मीरका गभर्नर सत्यपाल मलिकलाई छुट्टाछुट्टै पत्र लेख्दा पनि नियतबस आफूहरूलाई प्रहरीले नियन्त्रणमा लिएको उनीहरूको भनाइ छ।
भारतीय जनता पार्टी नेतृत्वको सरकारले सोमबार जम्मू-कश्मीरको विशेषाधिकार खारेज गर्न त्यससँग सम्बन्धित संविधानको अनुच्छेद ३७० खारेज गरेपछि त्यसलाई लिएर तनाव शुरू भएको छ।