Connect with us
Gautam Buddha community forest

Gallery

पत्रकार पन्त अमेरिकामा लुम्बिनी र सगरमाथा चिनाउँदै

 प्रकाश न्यौपाने, भैरहवा ।
रुपन्देहीका पत्रकार चेतन पन्त अहिले पारिवारीक भ्रमणमा अमेरिकामा छन् । उनले त्यहाँका विभिन्न राज्यको अवलोकन भ्रमण गरिरहेका छन् । तर उनी आफूमात्रै घुमेका छैनन्, उनले लुम्बिनीका तस्बिर पनि घुमाइरहेका छन् । पन्तले अमेरिकी नागरिकलाई नेपाल घुम्न निम्तो दिँदै हिँडेका छन् । नेपाल भ्रमण वर्ष २०२० को प्रचार गरिरहेका छन् । त्यहाँका नागरिकलाई विश्व शान्तिका प्रतीक गौतम बुद्धको जीवनीबारे जानकारी दिइरहेका छन् । बुद्ध जन्मस्थल लुम्बिनी घुम्न निम्तो दिइरहेका छन् ।

‘जहाँ गए पनि हामी नेपालीले हाम्रो जन्मभूमि बिर्सिन हुँदैन, नेपाललाई माया गरिरहनुपर्छ’ पन्तले टेलिफोनमा भने, ‘सरकारका राम्रा कामलाई टेवा पुग्ने गरी सहयोग गर्नुपर्छ । अहिले प्रदेश ५ सरकारले लुम्बिनी भ्रमण वर्ष २०७६ मनाइरहेको छ । केन्द्र सरकारले नेपाल भ्रमण वर्ष २०२० को तयारी गरिरहेको छ । यहाँका नागरिकले लुम्बिनीबारे बुझे र भ्रमणमा गए भने सरकारी अभियानलाई थोरै भए पनि साथ हुनेछ । यसैले मैले निजी काममा आए पनि नेपाल र लुम्बिनीलाई चिनाउँदै हिँडेको छु ।’

पन्तले अमेरिकाको कयालिफोरनिया राज्यको फÞेयर फिल्ड शहरको किसान हाटबजारमा लुम्बिनी र नेपाल चिनाएका हुन् । हाटमा किनमेल गर्न आउने त्यहाँका नागरिकलाई लक्षित गरी लुम्बिनी र सगरमाथाबारे जानकारी गराई नेपाल घुम्न अनुरोध गरेको उनले बताए । नेपाल भ्रमण वर्ष २०२० को ब्यानरसहित टेन्ट टाँगेर त्यहाँ उनले नेपालका उत्कृष्ट दुई पर्यटकीय गन्तव्य लुम्बिनी र सगरमाथाको प्रचार गरेका हुन् । ‘हाटमा आएका सयौं अमेरिकी नागरिकले सगरमाथा र लुम्बिनी चिन्न पाए, बुझ्न पाएँ’ उनले भने, मैले उनीहरुलाई नेपालका अन्य गन्तव्य घुम्न अनुरोध गरेको छु ।’

टेन्टमा बसेर चेतनसँगै उनकी धर्मपत्नी गंगा पन्तले नेपालको प्रचार गरेका हुन् । टेन्टमा नेपालबारे बुझ्न आएका केही अमेरिकी नागरिकलाई लुम्बिनी र सगरमाथाको तस्बीर अंकित पोष्टर समेत उपहार दिइएको उनले जनाए । ‘नेपाल घुम्न निमन्त्रणासहित उपहार दिँदा उनीहरु निकै खुशी भए । खुबै चासो दिएर नेपालबारे बुझे, जिज्ञासा राखे र केहीले घुम्न आउने बचन पनि दिए’, पन्तले भने, ‘मेरो प्रयासले एकजना पनि अमेरिकी नेपाल घुमे, मेरा लागि ठूलो उपलब्धी हुनेछ ।’ पन्त नेपाल भ्रमण वर्षका प्रदेश नम्बर ५ बाट सदस्य समेत छन् ।

यसअघि लुम्बिनीबारे आफूले रचेको वृत्तचित्र प्रदर्शन गरी पन्तले अमेरिकी नागरिकलाई नेपाल भ्रमणको निम्तो दिएका थिए । उनले नेपाल भ्रमण वर्ष २०२० लाई लक्षित गरेर लुम्बिनी उद्यानलाई समेटिएको ‘लुम्बिनी सानो संसार’ नामक वृत्तचित्र बनाएका छन् । वृत्तचित्र अमेरिकाको फेयरफिल्ड शहरमा रहेको थाई बुद्ध बिहार र भियतनाम बुद्ध विहारमा प्रदर्शन गरी त्यहाँ रहेका भिक्षु, स्थानीय नागरिकलाई लुम्बिनीसहित नेपालका पर्यटकीय स्थल घुम्न निम्तो दिएका थिए ।

दुई दशक बढी पत्रकारिता गरेका पन्त लुम्बिनी प्रचारक अभियन्ता हुन् । उनले आफ्नै खर्चमा नेपाली र अंग्रेजी भाषाको वृत्तचित्र बनाएका छन् । वृत्तचित्रमा लुम्बिनीको आध्यात्मिक महत्व, इतिहास, यहाँका मन्दिर, बिहारको आकर्षक झलक देखाइएको छ । पन्तले यसअघि थुप्रै मुलुकको भ्रमण गरी लुम्बिनीको प्रचार गर्दै आएका छन् । आफू अमेरिका रहँदासम्म धेरै शहरमा वृत्तचित्र प्रदर्शन गरी त्यहाँका नागरिकलाई एकपटक भए पनि नेपाल घुम्न निम्तो दिने लक्ष्य लिएको उनले बताए ।

Advertisement Shivaraj
Click to comment

Leave a Reply

Your email address will not be published. Required fields are marked *

समाचार

समाचार6 hours ago

कपिलवस्तु शिवराजमा खानेपानी उपभोक्ता समिति गठन

नवराज पौडेल, कपिलवस्तु कार्तिक ०५, कपिलवस्तुको शिवराज नगरपालिका ३ मा खानेपानी उपभोक्ता समिति गठन गरिएको छ । शिवराज नगरपालिका ३...

समाचार13 hours ago

थप २५ विद्युतीय बस खरीद गर्दै सुन्दर यातायात

काठमाडौं। चार बसबाट नेपालमा पहिलो पटक विद्युतीय बस सञ्चालन गरेको सुन्दर यातायातले यही वर्षभित्रै थप २५ बस थप गर्ने भएको...

समाचार13 hours ago

यसवर्षको तिहारमा पनि रानीपोखरीको बिचमा रहेको बालगोपालेश्वर मन्दिर नखुल्ने

काठमाडौं : भाइटीकाको दिनमा मात्रै खुल्ने रानीपोखरी बीचको बालगोपालेश्वर मन्दिर यस वर्ष पनि नखुल्ने भएको छ। विसं २०७२ वैशाख १२...

समाचार14 hours ago

जुम्लामा मार्सी धान भित्र्याउन भ्याइनभ्याई

जुम्ला । जुम्लाका किसानलाई यतिबेला कालीमार्सी धान भित्र्याउन भ्याइनभ्याई भएको छ । जुम्लाका किसान दशैँ सकिएलगत्तै धमाधम धान काट्न थालेका...