डीभीकै लागि १५ हजार तिर्दै राहदानी बनाउनेको घुइँचो

डीभी भर्नकै लागि यतिबेला राहदानी बनाउने  सेवाग्राही समेत ह्वात्तै बढेका छन् । सधैंको भन्दा झन्डै पाँच गुणा बढीले राहदानी आवेदन भर्ने गरेको राहदानी विभागले जनाएको छ ।

गत असोज १५ मा डीभी आवेदन खुलेपछि राजधानी र बाहिरका जिल्ला सदरमुकामहरुमा राहदानी बनाउनेहरु बढेका हन् । यस अघि जिल्ला संकलन केन्द्रबाट आउनेसहित दैनिक बढीमा आठ सय एमआरपी आवेदन मात्रै रहने गरेकोमा पछिल्ला पटक झन्डै चार हजार जनाले आवेदन भरिरहेका छन् । जसमा पनि एक तिहाई जतिले त १५ हजार रुपैयाँ शुल्क तिरेरै एकैदिनमा एमआरपी लिइरहेका छन् ।