विमानस्थलमा जहाज ठोक्कियो
काठमाडौं । त्रिभुवन अन्तर्राष्ट्रिय विमानस्थलमा शुक्रबार अपरान्ह २ जहाज ठोकिएका छन् । विमानस्थलमा आन्तरिक पार्किङ वेमा राखिएका श्री एयर र यति एयरको जहाज आपसमा ठोकिएका हुन् ।
पार्किङ वेमा राखिएकाे श्री एयरकाे विमानलाई यति एयरकाे विमानले ठक्कर दिएको हो । श्री एयरलाइन्सका महाप्रबन्धक अनिल मानन्धरले विराटनगरबाट आएको श्रीको जहाज पार्किङमा लैजाँदै गर्दा यतिको जहाजसँग ठोक्किएको जानकारी दिनुभयो । उहाँका अनुसार जहाज ठोक्किएर सामान्य क्षति भएको छ।
