Connect with us
Kapilvast Forest

सवारी कारबाही बाट ८८ लाख ६० हजार राजस्व संकलन

२०७७, ९ भाद्र मंगलवारमा प्रकाशित

gorsinge-police.

राम अवतार चौधरी,कपिलबस्तु-जिल्ला ट्राफिक प्रहरी कार्यालय कपिलवस्तुले गत आर्थिक वर्ष १६ हजार ८७ सवारी साधनलाई कारबाही गरेको छ । ट्राफिक नियम उलंघन गरी सञ्चालनमा रहेको सवारीलाई ट्राफिक प्रहरीले कारबाही गरेको जनाएको छ ।

जिल्ला ट्राफिकले गत अ।व। २०७६÷०७७ मा १६ हजार ८७ सवारी साधनलाई कारबाही गरेवापत ८८ लाख ६० हजार रुपैयाँ राजस्व संकलन भएको ट्राफिक प्रहरी निरीक्षक टक्कर स्वारले जनाउनु भयो । ट्राफिक प्रहरी निरीक्षक स्वारका अनुसार आर्थिक वर्ष २०७५÷०७६ मा कूल २८ हजार २ सय २० सवारी कारबाहीमा परेका थिए, जसबाट १ करोड ५६ लाख ८६ हजार रुपैयाँ राजस्व संकलन भएको थियो ।

जसको तुलनामा १२ हजार १ सय ३३ ले करवाहीमा पर्ने सवारी संख्यमा कमि आएको देखिन्छ । सवारी कारबाही भएका मध्ये सबैभन्दा बढी ट्रक रहेका छन् । ट्रक मात्र ११ हजार ५ सय ६५ वटा कारबाहीमा परेका छन् । भने दोस्रोमा मोटरसाईकल १ हजार ९ सय ८७ वटा कारबाहीमा परेका छन् । त्यसैगरीे कारबाहीमा परेका जीप र कार १ हजार १ सय ७६ वटा, बस ६ सय ८३ वटा रहेका छन् । भने ट्रेक्टर ५ सय १४ र अटोरिक्सा १ सय ६१ वटा गरि कूल १६ हजार ८७ सवारी कारबाहीमा परेकोे बताउनु भयो ।

विगत भन्दा अ।व। २०७६÷०७७ कारबाही सवारी संख्या र राजस्व संकलन घटनु स्वाभाविक रहेको बताइन्छ । सवै सवारी साधनका अ–आफ्ना समिति तथा नीति नियम रहेकाले सवारीले नियम उलंघन गरे उनीहरुले दोहोरो जरिवाना तिर्नुपर्ने व्यवस्था रहेको बताउँदै चैत्र महिना देखि अहिले सम्म नै लकडाउनले गर्दा राजस्व असुल कम हुनु ट्राफिक प्रहरीको भनाई छ ।

मादक पदार्थ सेवन गरी सवारी चलाउने २२ जना कारबाहीमा परेका जसबाट मात्रै २२ हजार ४ सय राजस्व संकलन भएको छ । ट्राफिक नियम उलङ्घन गरी सिट भन्दा बढी यात्रु बोक्नु, ओभरलोड र मापदण्ड विपरीत कार्य गरेका सवारीलाई कारवाही गरिएको जिल्ला ट्राफिक प्रहरी कार्यालय कपिलवस्तु गोरुसिङ्गेले जनाएको छ ।

Advertisement Agriculture Development Bank Bahubali Cement
Advertisement Siddhartha Education Consultancy Chandrauta Kapilvastu Sadak Division Shivaraj Chandrauta Kapilvastu Shivaraj Chandrauta Kapilvastu Shivaraj Chandrauta Kapilvastu Bikar Etta Udhyog Kapilvastu: न्यु ज्याेति ईट्टा उद्योगको उत्कृष्ट ईट्टा,