Connect with us
Kapilvast Forest

विदेशमा अलपत्र सबै नेपालीलाई दशैं अगाडि नै उद्धार गर : कांग्रेस छाया श्रममन्त्री डा. संग्रौला

२०७७, ३१ भाद्र बुधबारमा प्रकाशित

३१ भदौ, काठमाडौं । नेपाली कांग्रेसकी छाया श्रममन्त्री डा. डिला संग्रौलाले कोरोना महामारीका कारण विदेशमा अलपत्र परेका नेपालीहरुलाई दशैं अगाडि नै फर्काउन सरकारसँग माग गरेकी छन् ।

कांग्रेस केन्द्रीय सदस्यसमेत रहेकी डा. संग्रौलाले एक विज्ञप्ति जारी गरी विदेशमा समस्यामा परेका नेपालीहरुलाई निःशुल्क स्वदेश फर्काउन माग गरेकी हुन् । उनले सर्वोच्चको आदेशपछि पनि सरकारले निःशुल्क उद्धार उडान सुरु नगरेको खेद व्यक्त गरेकी छन् ।

खाडी मुलुकहरुमा झन्डै तीन लाख नेपालीहरु स्वदेश फर्कन इच्छुक रहेको उल्लेख गर्दै डा. संग्रौलाले भनेकी छन्, ‘तीमध्ये कतिपय महिला, बेरोजगार तथा अशक्त नेपालीहरु विमानको टिकट किन्न सक्ने स्थितिमा पनि छैनन् । सर्वोच्च अदालतको आदेशपछि पनि सरकारले निःशुल्क उडान सेवा शुरु गरेको छैन, जुन खेदजनक छ ।’

नेपाल फिर्न चाहने प्रवासी नेपालीहरुलाई छिटो स्वदेश फर्काउन आफूले प्रधानमन्त्री, परराष्ट्रमन्त्री, श्रममन्त्री र पर्यटनमन्त्रीको ध्यानाकर्षण गराएको बताउँदै डा. संग्रौलाले सबैले नेपाल सरकार यो विषयमा गम्भीर रहेको र सक्दो पहल गरिरहेको बताएको जानकारी पनि दिएकी छन् ।

Vijay Steel Galaxy Crusher Chandrauta Kapilvastu Shivaraj
Advertisement Agriculture Development Bank Bahubali Cement
Advertisement Siddhartha Education Consultancy Chandrauta Kapilvastu Sadak Division Shivaraj Chandrauta Kapilvastu Shivaraj Chandrauta Kapilvastu Shivaraj Chandrauta Kapilvastu Bikar Etta Udhyog Kapilvastu: न्यु ज्याेति ईट्टा उद्योगको उत्कृष्ट ईट्टा,