Connect with us
Kapilvast Forest

महाधिवेशन फागुनमा भन्दा पनि आपसी समझदारी र सहमतिमा हुन्छ :कृष्ण सिटौला

२०७७, ११ आश्विन आईतवारमा प्रकाशित

काठमाडौं -झण्डै डेढ महिना गृहजिल्ला झापा बसेका नेपाली कांग्रेसका पूर्वमहामन्त्री कृष्ण सिटौला शुक्रबार काठमाडौं आएरशनिबार विहान आफ्नो समूहका नेताहरुसँग परामर्श गर्नु भयो दिउँसो पार्टी सभापति शेरबहादुर देउवालाई भेट्न उहाँको निवास बुढानीलकण्ठ पुग्नु भयो । आइतबार विहान बोहराटार पुगेर पार्टीका वरिष्ठ नेता रामचन्द्र पौडेललाई पनि भेट्नु भयो ।दुबैलाई भेटेपछि सिटौलाको प्रश्न छ, ‘दुबै नेता किन फागुनमै महाधिवेशन हुन्छ भनिरहेका छन् रु

कांग्रेसमा देउवा नेतृत्वको केन्द्रीय कार्यसमितिको चार वर्षे कार्यकाल २०७६ फागुनमै पूरा भएको हो । समयमै महाधिवेशन नगरी संस्थापन पक्षले बहुमतको बलमा एकैपटक एक वर्ष म्याद थप्यो र २०७७ फागुन ७ गतेदेखि १० सम्म काठमाडौंमा १४ औं महाधिवेशन गर्ने निर्णय गर्‍यो । सुरुमा विरोध गरेको पौडेल समूहले पनि पछि यो निर्णयमा सहमति जनायो, यद्यति महाधिवेशन मिति उही रहने गरी कार्यतालिका सामान्य संशोधन भयो ।

त्यो कार्यतालिकाअनुसार २०७७ साउन र भदौमा क्रियाशील सदस्यता वितरण तथा नवीकरण सकेर केन्द्रमा विवरण आइपुग्नुपर्ने हो । तर कतिपय जिल्लामा एकीकरणमा आएका पार्टीसँगको समायोजन नै भएको छैन भने क्रियाशील सदस्यता वितरण तथा नवीकरण हुन सकेको छैन ।

तैपनि देउवा र पौडेल दुबैले सार्वजनिक रुपमा फागुनमै महाधिवेशन हुन्छ भन्दै आउनु भएको छ ।पूर्वमहामन्त्री सिटौलाले भने अब फागुनमा महाधिवेशन सम्भव नभएको तर्क गर्दै आउनु भएको छ । देउवा र पौडेलसँग भएको भेटमा पनि आफूले त्यही धारणा राखेको भन्दै उहाँले ‘कुनै जिल्लामा सभापति निकट साथी होला, कुनै जिल्लामा रामचन्द्र त कुनै जिल्लामा म निकट साथी सभापति हुनुहोला । तर कुनै पनि जिल्लाले क्रियाशील सदस्यता वितरण र नवीकरणको विवरण त पठाएनन् नि । यसको अर्थ तल समस्या छ भनेर हामीले बुझ्नुपर्छ ।’

कोरोना भाइरसको संक्रमणका साथै बाढी पहिरो जस्ता प्राकृतिक विपत्तिका कारण साउन–भदौमा काम नभएको र कात्तिकमा दशैंतिहार, छठ जस्ता चाडपर्व रहेको भन्दै नेता सिटौलाले नयाँ महाधिवेशन तालिका बनाउनुपर्ने बताउनु भयो । उहाँले ‘दुबै नेताले किन फागुनमा हुन्छ भन्नुयो ।’

गर्नुपर्ने महत्वपूर्ण कामहरु नै नभएको अवस्थामा यही फागुनमै महाधिवेशन हुन्छ भनेर दुबै नेताले कसरी भने आफूलाई आश्चर्य लागेको बताउनु भयो । अठौंदेखि पार्टीको महाधिवेशन प्रक्रियालाई नजिकबाट हेरेका सिटौलाका अनुसार महाधिवेशनमा सबैभन्दा जटिल विषय नै क्रियाशील सदस्यता बन्ने गरेको छ ।

अहिले त नयाँ क्रियाशील सदस्यता दिन वडामा पुराना क्रियाशीलहरुको बैठक नै बस्नुपर्ने व्यवस्था छ । वडाले सिफारिस गरेपछि प्रदेशको निर्वाचन क्षेत्रस्तरीय समितिले निर्णय गर्छ र संघीय निर्वाचन क्षेत्रीय समिति, जिल्ला हुँदै केन्द्रीय छानविन समितिसम्म विवाद आइपुग्छ । यो सबै चरण पार गर्न निश्चित समय लाग्छ ।

देउवा, पौडेल र सिटौलाबीच नरहरि आचार्यको नेतृत्वमा क्रियाशील सदस्यता छानविन समिति गठन गर्ने सैद्धान्तिक सहमति भएपनि बनेको छैन । संयोजक बनाउने भनिएका आचार्यले स्वास्थ्यका कारण समितिमा बस्न अस्वीकार गनुृ भएको छ ।

अब पूर्व सहमतिअनुसार ६ जनाको नाम दिने र उनीहरुमध्ये एकलाई संयोजक तोकेर अगाडि बढ्ने नेता सिटौलाको प्रस्ताव छ । ‘क्रियाशील सदस्यता वितरण चार वर्षका लागि संगठन निर्माण पनि हो, प्रतिस्पर्धा आन्तरिक लोकतन्त्र पनि हो’ उहाँले ‘आपसी समझदारीबाट प्रतिपस्र्धाको विधि र तालिका बनाउन सकेनौं भने महाधिवेशन निष्पक्ष हुन्न । र, नेतृत्वमा जो कोही आएपनि पार्टीमा एकता कायम गर्न सक्दैन ।’

देउवा र पौडेलले अहिले पनि समस्यालाई वस्तुगत रुपमा नलिएको भन्दै नेता सिटौलाले भन्नु भएको छ ‘गर्नुपर्ने काम चाहिँ नगर्ने, नहुुने कुरा महाधिवेशन फागुनमै हुन्छ भन्दा पनि सहमतिके आधारमा हुने उहाँको जिकिर छ र हुन्छ भन्नेमा चाहिँ उहाँहरुको मत कसरी मिल्यो रु मैले बुझ्न सकेको छैन ।’

Vijay Steel Galaxy Crusher Chandrauta Kapilvastu Shivaraj
Advertisement Agriculture Development Bank Bahubali Cement
Advertisement Siddhartha Education Consultancy Chandrauta Kapilvastu Sadak Division Shivaraj Chandrauta Kapilvastu Shivaraj Chandrauta Kapilvastu Shivaraj Chandrauta Kapilvastu Bikar Etta Udhyog Kapilvastu: न्यु ज्याेति ईट्टा उद्योगको उत्कृष्ट ईट्टा,