Connect with us
Kapilvast Forest

जारको पानीको मूल्य नबढाउन व्यवसायी सहमत

२०७७, २७ आश्विन मंगलवारमा प्रकाशित

काठमाडौं-जारमा भरिएको प्रशोधित पिउने पानीको मूल्य बढाउने निर्णयबाट नेपाल बोटलर्स वाटर एसोसिएसन पछि हटेको छ ।पानीको मूल्य बढाउने निर्णय फिर्ता नलिए पक्राउ गर्ने वाणिज्य, आपूर्ति तथा उपभोक्ता संरक्षण विभागको चेतावनीपछि निर्णय फिर्ता लिन व्यवसायीहरुले विभागसँग लिखित सहमति गरेको विभागका निर्देशक एवं सूचना अधिकारी रवीन्द्र आचार्यले बताउनु भयो ।

मूल्य बढेको विषयमा सोधपुछ गर्न विभागले व्यवसायीलाई बोलाएको र कानूनअनुसार सरकारले पक्राउ गरेर थुन्ने हो वा मूल्य घटाउन सहमत हुने लिखित सम्झौता भन्ने हाम्रो प्रश्नपछि व्यवसायी पछि हटेको निर्देशक आचार्यले बताउनु भयो ।

लिखित सर्कुलर गरेर मूल्य नबढाउन एसोसिएसनले विभागसँग सम्झौता गरेकोउहाँले जानकारी दिनु भयो । विभागसँगको सहमति कार्यन्वयन भए नभएको बजारमा हेरिने र नभएको पाइए दण्ड गरिने विभागले जनाएको छ ।

बजार अनुगमनममा निस्किएको विभागको टोलीलाई पानीको खरिद र बिक्री जाँच गर्न निर्देशन दिइएको पनि विभागले जनाएको छ ।वाणिज्य विभागसँगको सहमतिमा भन्दै केही दिनअघि नेपाल बोटलर्स वाटर एसोसिएसनले जारको पिउने पानीको मूल्य तोकेको थियो । बजारमा २५ रुपैयाँ प्रतिजारदेखि ४५ रुपैयाँमा बिक्री भइरहेको पानीको अधिकतम् खुद्रा बिक्री मूल्य ५० रुपैयाँ तोकिएपछि उपभोक्ता मारमा परेका थिए ।

Advertisement Agriculture Development Bank Bahubali Cement
Advertisement Siddhartha Education Consultancy Chandrauta Kapilvastu Sadak Division Shivaraj Chandrauta Kapilvastu Shivaraj Chandrauta Kapilvastu Shivaraj Chandrauta Kapilvastu Bikar Etta Udhyog Kapilvastu: न्यु ज्याेति ईट्टा उद्योगको उत्कृष्ट ईट्टा,