Connect with us
Kapilvast Forest

आजैदेखि सुरु भयो लमजुङ र गोरखाको गुरुङ समुदायमा दसैं

२०७७, ३० आश्विन शुक्रबारमा प्रकाशित

dashani
प्रतिनिधिमुलक तस्विर

काठमाडौं- नेपाल एकीकरण अघि लमजुङ राज्य र गोरखा राज्यले समेटेको भूभागका गुरूङ समुदायमा दसैं सुरु भएको छ । अन्य समूदायले शनिबार घटस्थापना र जमरा राख्ने तिथि तय भएको भएपनि गण्डकी प्रदेशका गुरुङ समुदायले मौल पूजाको लागि शुक्रबार नै जमरा राख्ने चलन रहेको नेपाल प्रज्ञा प्रतिष्ठानका उपकुलपति एवं संस्कृतिविद् डा. जगमान गुरूङले जानकारी दिनु भयो ।

विशेषगरी लमजुङ र गोरखा क्षेत्रका गुरुङ समुदायले घटस्थापनाको अघिल्लो दिन अर्थात् औंसीकै साँझ खाना खानुअघि मौला पूजाको लागि जमरा राखेर दसैंको सुरुवात गर्ने गर्छन् ।

कास्कीको याङ्जाकोट लगायतका केही क्षेत्रमा भने औंसीको दिन बिहानै नागरा पूजा गरेर दशैंको औपचारिक सुरुवात गर्ने चलन छ । तर सबै क्षेत्रमा नागरा पूजा भने गर्ने चलन नरहेको डा. गुरुङले जानकारी दिनु भयो ।

नागरा पूजा हुने क्षेत्रमा आज बिहान कोटघरमा गएर नगरा पूजा हुन्छ । खाना आएपछि माथि कोटमा गएर नगरा बजाउँछन् । त्यसपछि साँझ खाना खानुअघि नौवटा बोहोतामा नवदूर्गाको प्रतीक जमरा राख्ने गरिन्छ । नवमीको दिन घरमाथिको कोटमा गरिने पूजामा सोही जमराको प्रयोग गर्ने गरिन्छ । तर दशमीको दिन मान्छेले लगाउने जमरा भने घटस्थापनाकै दिन राख्ने गरिन्छ ।

 

Advertisement Agriculture Development Bank Bahubali Cement
Advertisement Siddhartha Education Consultancy Chandrauta Kapilvastu Sadak Division Shivaraj Chandrauta Kapilvastu Shivaraj Chandrauta Kapilvastu Shivaraj Chandrauta Kapilvastu Bikar Etta Udhyog Kapilvastu: न्यु ज्याेति ईट्टा उद्योगको उत्कृष्ट ईट्टा,