Connect with us
Kapilvast Forest

अमेरिकी राष्ट्रपतीय चुनाव : बाइडेनको अग्रता साघुरिँदै

२०७७, १९ कार्तिक बुधबारमा प्रकाशित

एजेन्सी- अमेरिकी राष्ट्रपतीय चुनावको मतगणना आउने क्रम जारी छ ।मतदान सकिएसँगै केही स्थानमा मतपरिणाम आउन सुरू गरेका छन् ।अमेरिकी राष्ट्रपतीय चुनावको मतगणना आउने क्रम जारी छ ।मतदान सकिएसँगै आउन थालेका मतपरिणामको ताजा अवस्थामा बाइडेनको अग्रता साघुरिँदै गएको छ ।

प्रतिस्पर्धी बहालवाला राष्ट्रपति एवं रिपब्लिकन उम्मेदवार डोनाल्ड ट्रम्पलाई सुरूवातमा धेरै पछि पारेका बाइडेको यो समाचार तयार पार्दासम्म २५ इलेक्ट्रोरल मतले मात्र अग्रता छ ।डेमोक्रेटिक उम्मेदवार जो बाइडेनले २३८ इलेक्ट्रोरल मत प्राप्त गर्दा ट्रम्पले २१३ इलेक्ट्रोरल मत प्राप्त गरेको फक्स न्यूजले जनाएको छ ।

इलेक्टरल मतका हिसाबले दोस्रो ठूलो राज्य टेक्ससमा ट्रम्पले जित्ने प्रक्षेपण गरिएपछि उनले बाइडनसँगको अन्तर घटाएका हुन् । टेक्ससमा ३८ इलेक्टरल मत छ । ताजा नतिजामा रोड आइल्यान्डमा बाइडन र आइओवामा ट्रम्पले जित्ने प्रक्षेपण गरिएको छ।

महत्वपूर्ण मानिएको राज्य फ्लोरिडामा ट्रम्पले जित हासिल गरेको बीबीसीले जनाएको छ । उक्त राज्यमा ट्रम्पले दोस्रोपटक जित हासिल गरेका हुन् ।

रिपब्लिकनहरुको बर्चस्व रहेको उक्त राज्यमा ट्रम्प पराजित भएको भए राष्ट्रपतिमा पुनः विजयी हुने बाटो बन्द हुन सक्ने आकलन गरिएको थियो ।अघिल्लो निर्वाचनमा पनि ट्रम्पले जितेको फ्लोरिडामा २९ इलेक्टोरल मत छ।

फ्लोरिडामा सन् २००८ र २०१२ को निर्वाचनमा डेमोक्र्याट बाराक ओबामाले जितेका थिए।त्यस्तै १८ इलेक्टोरल मत रहेको ओहायो र ४ मत रहेको आइडहोमा ट्रम्पले जितेका छन् । १३ इलेक्टोरल मत रहेको भर्जिनियामा बाइडनले जित्ने प्रक्षेपण गरिएको छ।

यी सबैमा गत निर्वाचनमा पनि दलगत उस्तै नतिजा आएको थियो।कूल ५३८ इलोक्ट्रोरल मतमध्ये जितका लागि २७० इलोक्ट्रोरल मत आवश्यक छ ।

यी हुन् निर्णायक राज्य

यो चुनावमा सबैभन्दा धेरै इलोक्ट्रोल भोट ५५ रहेको राज्य क्यालिफोर्नियासहित फ्लोरिडा, एरिजोना, पेन्सलभेनिया, मिचिगन, विसकन्सिन, नर्थक्योरिलना र जर्जियाको इलोक्ट्रोल भोट निर्णायक हुनेछ ।

यी राज्यहरुमा जुन उम्मेदवारले अग्रता कायम गर्दै वर्चस्व कायम गर्नेछन् उनकै जित निश्चित हुनेछ ।कूल ५३८ इलोक्ट्रोन मतमध्ये २७० मत ल्याउने उम्मेदवार राष्ट्रपतिको पदमा निर्वाचित हुन पाउँछन् ।

कतिपय अवस्थामा यो व्यवस्थाले जनताको मत अत्यधिक पाएर पनि विजयी हुन नसकेका उदाहरण छन् ।सन् २०१० को जनगणनामा आधारित भएर २०१२, २०१६ र २०२० को निर्वाचनमा कूल ५३८ इलोक्ट्रोल मत विभाजन गरिएको छ ।

सात वटा राज्यबाट तीनरतीन भोटको गणना हुन्छ । यसरी इलोक्ट्रोल कलेजको गणना गर्दा हरेक राज्यको जनसङ्ख्या, सिनेटरको सङ्ख्या र काँग्रेसनल डिष्ट्रिकको समानुपातिक मतका आधारमा चयन गरिन्छ ।

आफैँले जित्ने दुबैको दाबी

ट्रम्पले सामाजिक सञ्जाल ट्वीटरमार्फत जसरी पनि चुनाव जित्ने दाबी गर्नु भएको छ ।

डेमोक्रेटहरुले चुनावमा धाँधलीको प्रयास गरेकोसमेत उहाँले आरोप लगाउनु भएको छ । मतगणना सकिएपछि जितको खुसीयालीसहित आफूले सम्बोधन गर्ने पनि उहाँले बताउनु भएको छ ।

‘गलत तरिकाले चुनावलाई प्रभाव पार्न खोजेका आरोप लगाउनु भएको छ । मतदानस्थल बन्द भएपछि भोट हाल्न पाइँदैन,’ ट्रम्पले भन्नु भएको छ ।त्यस्तै डेमोक्रेटिक उम्मेदवार जो बाइडेनले पनि यसपटकको चुनाव आफूले जित्ने दाबी गरेका छन् ।

उहाँले यो लामो प्रकिया भएपनि नजिता आफ्नै पक्षमा आउने दाबी गर्नु भएको छ । आफ्ना समर्थकलाई सम्बोधन गर्दै उनले आफू जितको बाटोमा रहेको बताउनु भएको छ । उहाँले भन्नु भएको छ ‘जबसम्म अन्तिम मतको गणना हुँदैन, तबसम्म यो सकिँदैन ।’

Vijay Steel Galaxy Crusher Chandrauta Kapilvastu Shivaraj
Advertisement Agriculture Development Bank Bahubali Cement
Advertisement Siddhartha Education Consultancy Chandrauta Kapilvastu Sadak Division Shivaraj Chandrauta Kapilvastu Shivaraj Chandrauta Kapilvastu Shivaraj Chandrauta Kapilvastu Bikar Etta Udhyog Kapilvastu: न्यु ज्याेति ईट्टा उद्योगको उत्कृष्ट ईट्टा,