Connect with us
Kapilvast Forest

तिहार शुरू हुनै लाग्दा बजारमा खाद्यान्नमा २५ प्रतिशतसम्म मूल्य वृद्धि

२०७७, २४ कार्तिक सोमबारमा प्रकाशित

khadyabastu.jpg

काठमाडौं- दशैं सकिएर तिहार शुरू हुनै लाग्दा बजारमा खाद्यान्नको मूल्यमा एक्कासि वृद्धि भएको छ । दशैंपछि खाद्यान्नमा २५ प्रतिशतसम्म मूल्य वृद्धि भएको पाइएको हो ।

खुद्रा व्यापार संघका अनुसार यति बेला दाल, तेल, चिनी र गेडागुडीलगायतका खाद्य वस्तुको मूल्य बढेको छ । दशैं अघिसम्म खुद्रा मूल्य प्रतिकिलो १ सय २० रुपैयाँमा पाइने बोडीको मूल्य अहिले २५ प्रतिशतले वृद्धि भई बजारमा १ सय ५० रुपैयाँसम्म पर्न थालेको छ । खुद्रा मूल्य प्रतिकिलो १ सय १० रुपैयाँ पर्ने चनाको मूल्य यति बेला करीब १४ प्रतिशतले वृद्धि हुँदै १ सय २५ रुपैयाँसम्म पर्न थालेको छ ।

त्यसैगरी हरियो केराउको मूल्यमा पनि प्रतिकिलो २० रुपैयाँले वृद्धि हुँदै १ सय १५ बाट १ सय ३५ रुपैयाँ पुगेको छ । प्रतिकिलो ८० रुपैयाँ पर्ने चिनी ९० रुपैयाँसम्म पर्न थालेको छ । सनफ्लावर तेलको मूल्य करीब ९ प्रतिशतले वृद्धि भई प्रतिलिटर १ सय ७० बाट १ सय ८५ रुपैयाँ पर्न थालेको छ । तोरीको तेल प्रतिलिटर १३ प्रतिशतले वृद्धि भई २ सय ३० बाट २ सय ६० रुपैयाँ पुगको छ । त्यसैगरी भटमासको तेलको मूल्य पनि करीब १४ प्रतिशतले वृद्धि हुँदै प्रतिलिटर १ सय ५० बाट १ सय ७० रुपैयाँ पुगेको छ ।

नेपालमा दशैं, तिहार र छठपर्वजस्ता चाडपर्वका समयमा तेलको माग बढ्ने भएकाले पनि मूल्य वृद्धि हुने गरेको व्यापारीहरू बताउँछन् । यद्यपि यति बेला मागमा खासै वृद्धि नभएको र आपूर्ति प्रणालीसमेत सहज रहेको कुरा व्यवसायीहरूले स्वीकार गरेका छन् । यस्तो अवस्थामा पनि मूल्य बढ्नुमा अन्तराष्ट्रिय बजार मूल्यको प्रभाव रहेको दाल, चामल तथा तेल संघका अध्यक्ष सुबोधकुमार गुप्ता बताउनु भयो ।

उहाँका अनुसार नेपालमा दाल, गेडागुडी र खानेतेल अस्ट्रेलिया, क्यानडा, मलेशिया र भारत आदि मुलुकबाट आयात हुने गर्छ । अहिले ती देशमा नै यस्ता खाद्य वस्तुहरूको मूल्य बढेकाले नेपालमा समेत त्यसको प्रभाव परेको उहाँको दावि छ । ‘आपूर्ति हुने केन्द्रमा नै मूल्य बढेकाले नेपालमा पनि मूल्य बढेको हो,’ उहाँले भन्नु भयो ।

थोक विक्रेताहरूले उद्योगीहरूबाट सामान ल्याएर आपूmहरूलाई मनपरी मूल्यमा सामान बेचेको आरोप खुद्रा व्यापारीरूले लगाएका छन् । यसले गर्दा खुद्रा व्यापारी र उपभोक्ताहरू त्यसको मारमा परेको उहाँहरूको भनाइ छ ।

खुद्रा व्यापार संघका अध्यक्ष राजकुमार श्रेष्ठले थोक व्यापारीहरूबाट खुद्रा व्यापारीले सामान खरीद गर्ने क्रममा सही मूल्यको बिलबीजक नपाएको गुनासो गरे । थोक विक्रेताहरूले खुद्रा व्यापारीलाई बढी मूल्यमा सामान बेचेर कम मूल्यको बिल दिने कार्यले अनुगमनकर्ताको फन्दामा समेत खुद्रा व्यापारीहरू नै पर्ने गरेको उहाँको दाबी छ । यो समाचारर आजको अभियान दैनिकमा छ ।

Advertisement Agriculture Development Bank Bahubali Cement
Advertisement Siddhartha Education Consultancy Chandrauta Kapilvastu Sadak Division Shivaraj Chandrauta Kapilvastu Shivaraj Chandrauta Kapilvastu Shivaraj Chandrauta Kapilvastu Bikar Etta Udhyog Kapilvastu: न्यु ज्याेति ईट्टा उद्योगको उत्कृष्ट ईट्टा,