Connect with us
Kapilvast Forest

नवौँ राष्ट्रिय खेलकूदका लागि कोरोना चुनौती छ : सिलवाल

२०७७, २४ कार्तिक सोमबारमा प्रकाशित

ramesh silawal

कास्की- राष्ट्रिय खेलकूद परिषद्का सदस्य सचिव रमेशकुमार सिलवालले आगामी फागुन अन्तिम साता गण्डकी प्रदेशमा तय भएको नवौँ राष्ट्रिय खेलकूद प्रतियोगिता तोकिएको मितिमा आयोजना गर्न कोरोना सङ्क्रमण चुनौतीका रुपमा रहेको बताउनुभएको छ ।

पश्चिमाञ्चल क्षेत्रीय खेलकूद विकास समिति तथा जिल्ला खेलकूद विकास समिति कास्कीले आज साँझ पोखरामा आयोजना गरेको स्वागत कार्यक्रममा उहाँले आगामी मङ्सिर १५ सम्म कोरोना सङ्क्रमण कम भएर अवस्था सहज भएकामा प्रतियोगिता निर्धारित समयमै आयोजना हुने स्पष्ट पार्नुभयो ।

तीन महिनाका अवधिमा प्रतियोगिता तयारी, खेलाडी प्रशिक्षणलगायत काम सम्पन्न गर्न सकिने भएकाले निर्धारित समयमै प्रतियोगिता आयोजना हुनेमा आफूहरु आशावादी रहेको सदस्य सचिव सिलवालले बताउनुभयो ।

प्रतियोगिताका लागि पोखरामा एकदुई खेलका पूर्वाधारबाहेक अन्य सबै पूर्वाधार तयारी अवस्थामा रहेकाले समेत प्रतियोगिता सञ्चालनमा कठिन नपर्ने उहाँले उल्लेख गर्नुभयो । गण्डकी प्रदेशका ११ वटै जिल्लामा न्यूनतम एउटा खेल सञ्चालन गर्ने योजना रहेको बताउँदै सिलवालले खेलाडी, प्रशिक्षक, खेल सङ्घ, पत्रकारिता जगत्लगायतको सहयोगबाट पोखरा खेलकूदको शहरका रुपमा विकास हुँदै गएको बताउनुभयो । उहाँले निर्माणाधीन पोखरा फुटबल रङ्गशालाको दर्शक क्षमता १६ हजार ५०० बाट बढाएर २० हजार पु¥याइने जानकारी पनि दिनुभयो ।

परिषद्का सदस्य राजेशकुमार गुरुङले सबैको साथ र सहयोगबाट पोखरामा गत वर्र्ष १३ सागका आठ खेल सम्पन्न भएको बताउँदै उहाँले सागपछि पोखरा रङ्गशालामा खेलकूद पूर्वाधारका विकास भएको जिकिर गर्नुभयो ।

Vijay Steel Galaxy Crusher Chandrauta Kapilvastu Shivaraj
Advertisement Agriculture Development Bank Bahubali Cement
Advertisement Siddhartha Education Consultancy Chandrauta Kapilvastu Sadak Division Shivaraj Chandrauta Kapilvastu Shivaraj Chandrauta Kapilvastu Shivaraj Chandrauta Kapilvastu Bikar Etta Udhyog Kapilvastu: न्यु ज्याेति ईट्टा उद्योगको उत्कृष्ट ईट्टा,