Connect with us
Kapilvast Forest

बाल अपाङ्ग टेवा संस्थाद्धारा ह्विल चियर वितरण

२०७७, २२ फाल्गुन शनिबारमा प्रकाशित

सागर पौडल कपिलवस्तु- बाल अपाङ्ग टेवा संस्थाले कपिलवस्तुका तीनवटा स्थानिय तहका अपाङ्गता भएका व्यक्तिहरुलाई ह्विल चियर प्रदान गरेको छ । कपिलवस्तुको बुद्धभुमि नगरपालिका, शिवराज नगरपालिका, कपिलवस्तु नगरपालिका र वाणगंगा नगरपालिकाका अपाङ्गता भएका व्यक्तिहरुलाई ह्विल चियर प्रदान गरेको हो ।

बुद्धभुमि नगरपालिकाको गोरुसिँगेमा आयोजित एक कार्यक्रमका साथ उनीहरुलाई सो ह्विल चियर वितरण गरिएको छ । कार्यक्रममा बुद्धभुमि नगरपालिकाका मेयर केशव कुमार श्रेष्ठले नगरपालिकासँगको समन्वयमा बाल अपाङ्ग टोवा संस्थाले गरेको यो कार्यक्रम सराहनिय रहेको भन्दै नगरपालिकाले पनि नगरको लक्ष्ति वर्गको कार्यक्रममा यस्ता कार्यक्रम संचालन गरिरहेको बताए । उनले आगामी दिनमा पनि लक्षित वर्गका कार्यक्रम संचालन गर्नका लागि विभिन्न संघ संस्थाहरुसँगको समन्वयलाई जोड दिइने पनि बताए ।

त्यस्तै कार्यक्रममा बाल अपाङ्ग टेवा संस्थाकी अभियान्ता ज्ञानुमाया रणपालले ह्विल चियरमै बसेर विभिन्न कार्यक्रम संचालन गरेका आफ्ना साथिहरुको माध्यमबाट बुद्धभुमिका आपाङ्गता भएकाहरुलाई वितरण गर्ने प्रयास गरेको बताइन् । सर्वाेच्च शिखर सगरमाथा आरोहण गर्न सफल कपिलवस्तुकी साहसिक रणपाल अहिले भने सामाजिक अभियानका कार्यक्रममा समेत व्यस्त रहेकी छिन् ।

त्यस्तै संस्थाका फाउण्डर चियरमेन डेन्डी शेर्पाले कपिलवस्तुमा सन् २००९ मै यो कार्यक्रम संचालन गरिसकेको बताउँदै लकडाउन पछिको समय भने आफुहरुको अभियान नेपालका सातै प्रदेशमा संचालन भईरहेको जानकारी दिए । उनले यस्ता कार्यहरु राज्यस्तरबाटै हुनुपर्ने र राज्यको मुख्य दायित्व हुनुपर्ने पनि बताएका छन् ।

त्यस्तै बाल अपाङ्ग टेवा संस्थाका अभियान्ता नवराज कार्कीले ह्विल चियर वितरण गर्नु ठूलो कुरा नभएको भन्दै ह्विल चियर मैत्री संरचना बनाउनु महत्वपूर्ण हुने बताए । उनका अनुसार जब सम्म भौतिक संरचना अपाङ्ग मैत्री बन्दैनन् तब सम्म ह्विल चियर वितरण गरेर मात्र अपाङ्गहरुको दैनिकी सहज सक्दैन । उनले बुद्धभुमि नगरपालिकाका मेयर श्रेष्ठलाई समेत यस विषयमा अपाङ्ग मैत्री संचरना बनाउनुपर्नेमा जोड दिएका छन् । आफु नगरपालिकको प्रमूखको कार्यकक्षमा पुगेर भेट्न सक्ने अवस्था अहिले नभएको भन्दै कार्कीले ह्विल चियर भएर पनि अरुको सहायतामा हिड्नुपर्ने स्थितिको अन्त्य गर्न जरुरी रहेको पनि बताएका छन् ।

कार्यक्रम बाल अपाङ्ग टेवा संस्थाको आयोजना तथा बुद्धभुमि नगरपालिकाको सहयोग सहित सामाजिक अभियान्ता पुर्णचन्द्र परियारको संचालनमा सम्पन्न भएको हो । वर्षाै सम्म अपाङ्गता भएर पनि दुःखदायी जीवन विताइरहेका नागरिकहरु भने ह्विल चियर पाएपछि खुसी भएका थिए । सो कार्यक्रममा ३५ बढि अपाङ्गता भएकाहरुलाई निःशुल्क ह्विल चियर सहित डाइपर पनि वितरण गरिएको थियो ।

Vijay Steel Galaxy Crusher Chandrauta Kapilvastu Shivaraj
Advertisement Bahubali Cement
Advertisement Siddhartha Education Consultancy Chandrauta Kapilvastu Sadak Division Shivaraj Chandrauta Kapilvastu Shivaraj Chandrauta Kapilvastu Shivaraj Chandrauta Kapilvastu Bikar Etta Udhyog Kapilvastu: न्यु ज्याेति ईट्टा उद्योगको उत्कृष्ट ईट्टा,