Connect with us
Kapilvast Forest

थप ६ जिल्लामा स्वास्थ्य बीमा कार्यक्रम शुरू

२०७७, २६ चैत्र बिहीबारमा प्रकाशित

काठमाडौं – स्वास्थ्य बीमा बोर्डले थप ६ जिल्लामा स्वास्थ्य बीमा कार्यक्रम सञ्चालन गर्ने भएको छ । पाँचौं स्वास्थ्य दिवसको अवसरमा बोर्डले बुधवार काठमाडौंमा आयोजना गरेको कार्यक्रममा थप ६ जिल्लामा बीमा कार्यक्रम विस्तार गर्ने घोषणा गरेको हो ।

स्वास्थ्य तथा जनसंख्या मन्त्री हृदयेश त्रिपाठीले ताप्लेजुङ, बारा, सर्लाही, दोलखा, मनाङ र मुस्ताङमा भर्च्युअल माध्यमबाट स्वास्थ्य बीमा कार्यक्रम शुरू गर्नु भएको हो ।

यीसहित स्वास्थ्य बीमाको पहुँच अब काठमाडौं र ललितपुरबाहेक देशभरका ७५ जिल्लामा पुगेको छ । बोर्डका कार्यकारी निर्देशक दामोदर बसौलाले यही आर्थिक वर्षभित्र बाँकी दुई जिल्लामा पनि कार्यक्रम शुरू गर्ने तयारी गरिएको बताउनु भएको छ ।

कार्यक्रमको शुभारम्भ गर्दै स्वास्थ्यमन्त्री त्रिपाठीले स्वास्थ्य प्रणाली सुधारमा सरकार गम्भीर भएर लागेकाले पछाडि फर्किएर हेर्न नपरेको बताए । कार्यक्रमलाई प्रभावकारी बनाउन सबै कर्मचारी गम्भीर भएर लाग्नुपर्नेमा उनले जोड दिए । बीमा गरेपछि कतिपय बीमितले अहिले पनि सहज सुविधा पाउन नसकेको गुनासो हुने गरेकोमा मन्त्री त्रिपाठीले बीमितलाई दिने सुविधा सहज बनाउन निर्देशन दिनु भयो ।

साथै बुधवारदेखि नै बोर्डले स्वास्थ्य बीमा कार्यक्रम नागरिक एपमा पनि हेर्न र डाउनलोड गर्न सकिने गरी सेवा शुरू गरेको जानकारी दिएको छ । २०७२ चैत २५ गते कैलाली, इलाम र बागलुङबाट सबै नेपालीको स्वास्थ्य बीमा गर्ने लक्ष्यका साथ यो कार्यक्रम शुरू भएको थियो । यसअघि यस कार्यक्रममा ६९ जिल्लाबाट ३७ लाख ४२ हजार जना सहभागी भइसकेको बोर्डले जानकारी दिएको छ ।

 

Vijay Steel Galaxy Crusher Chandrauta Kapilvastu Shivaraj
Advertisement Bahubali Cement
Advertisement Siddhartha Education Consultancy Chandrauta Kapilvastu Sadak Division Shivaraj Chandrauta Kapilvastu Shivaraj Chandrauta Kapilvastu Shivaraj Chandrauta Kapilvastu Bikar Etta Udhyog Kapilvastu: न्यु ज्याेति ईट्टा उद्योगको उत्कृष्ट ईट्टा,