आगलागीबाट ४१ जनाको मृत्यू

एजेन्सी-ईन्डोनेसियाको बान्टेन प्रान्तको एउटा कारागारमा बुधबार बिहान सबेरै आगलागी हुँदा कम्तीमा ४१ जनाको मृत्यु हुनुका साथै दर्जनौं घाइते भएका छन्।

बिहान १ देखि २ बजेको समयमा आगो निभाइएको थियो। आगलागीको कारण बारे अनुसन्धानमा भैरहेको छ।

आगोलागी भएको कारागारको सो ब्लकमा लागुऔषध सम्बन्धी अपराधको संजाय भोगिरहेका कैदीहरु राखिएको थियो। त्यहाँको क्षमता १२२ जना व्यक्तिको भएको बताईएको छ।

प्रारम्भिक आशंकामा आगलागी बिजुली सर्ट भएको कारणले भएको हो त्यहाँका प्रहरी प्रवक्ता युस्री युनुसले जानकारी दिए। आगोबाट ७३ जनालाई चोटपटक लागेको छ।