स्पेनलाई हराउँदै फ्रान्सले जित्यो नेशन्स लिगको उपाधि
एजेन्सी -फ्रान्सले नेशन्स लिगको उपाधि जितेको छ । गएराति भएको फाइनल खेलमा फ्रान्सले स्पेनलाई २-१ गोलले हराउँदै उपाधिमाथि कब्जा गरेको हो । खेलको ६४ औं मिनेटमा स्पेनले मिकेल ओयारजावालको गोलबाट सुरुवाती अग्रता बनाएको थियो । ६६ औं मिनेटमा करिम बेन्जेमाले गोल गर्दै फ्रान्सलाई बराबरीमा ल्याए । यस्तै ८० औं मिनेटमा किलियन एम्बाप्पेले गोल गर्दै फ्रान्सको जित पक्का गरे ।