देशकै अग्रणी पार्टी बनाउँछु:कमल थापा
काठमाडौं – राष्ट्रिय प्रजातन्त्र पार्टी (राप्रपा) को अध्यक्षमा कमल थापाले उम्मेदवारी दर्ता गराउनु भको छ । उम्मेदवारी दर्ता पछि थापाले राप्रपालाई बलियो पार्टी बनाउने दावी गर्नु भएको छ । उहाँले राष्ट्रियताको रक्षा र भ्रष्टाचारमुक्त नेपाल निर्माणमा सशक्त भूमिका निर्वाह गर्छु। पार्टीलाई फुटबाट जोगाउँछु।
उहाँले पार्टीमा युवालाई प्राथमिकता दिने बताउनु भयो । आजसम्म हामी तीन अध्यक्ष छौं। मन, वचन र कर्मले प्रतिबद्धता गरेका छौं । टुटफुटको शृङ्खला अन्त्य गर्छौं । पार्टीमा युवालाई प्राथमिकता दिन्छौं।
राप्रपाको नयाँ नेतृत्व चयनका लागि उम्मेदवारी दर्ता जारी छ। अहिलेसम्म अध्यक्ष पदमा थापा, लिङ्देनले उम्मेद्वारी दर्ता गराउनु भएको छ। महामन्त्रीमा रेखा थापा र धवलशमशेर राणाले पनि उम्मेदवारी दर्ता गराइसक्नु भएको छ ।
यसैगरी उपाध्यक्षमा बुद्धिमान तामाङले उम्मेदवारी दर्ता गराउनु भएको छ । उहाँले थापा प्यानलबाट उम्मेदवारी दर्ता गराउहाँ। राप्रपामा ४ उपाध्यक्ष र ३ महामन्त्री निर्वाचनबाट चयन हुनेछन् भने अरू १ सय ४१ केन्द्रीय सदस्य पनि निर्वाचनबाटै आउनेछन्।