२१ फेब्रुअरीका दिन विश्व इतिहासमा भएका केही महत्त्वपूर्ण घटना

एजेन्सी-आज सन् २०२२ को २१ फेब्रुअरी । २१ फेब्रुअरीमा विश्व इतिहासमा विभिन्न सामाजिक तथा राजनीतिक घटनाक्रम विकसित भएका थिए । प्रस्तुत छ इतिहासमा आज भएका केही घटनाक्रम :

प्रशान्त महासागरमा एक्लै उड्ने पहिलो व्यक्ति

सन १९५५ मा अमेरिकी व्यापारी तथा साहसी स्टेभ फोसेट बेलुनमा प्रशान्त महासागरमा एक्लै उड्ने पहिलो व्यक्ति बनेका थिए । यो उनको धेरै उड्डयन रेकर्डहरुमध्ये पहिलो थियो ।

रिचार्ड निक्सनको चीन भ्रमण

सन् १९७२ मा अमेरिकी राष्ट्रपति रिचार्ड एम निक्सनले जनगणतन्त्र चीनको राजकीय भ्रमण गरेका थिए । कम्युनिस्ट देश चीन र संयुक्त राज्य अमेरिका बीचको २१ वर्ष देखिको मतभेद अन्त्य गर्दै उनी सो भ्रमणमा निस्किएका थिए ।

भर्डन युद्ध

पहिलो विश्व युद्धको समयमा आजकै दिन भर्डन युद्ध सुरु भएको थियो । सन् १९१६ को फेब्रुअरी २१ देखि १८ डिसेम्बरसम्म फ्रान्सको भर्डनमा भएको सो युद्धलाई इतिहासकै सबैभन्दा ठूलो, लामो र रक्तपातपूर्ण मानिन्छ । फ्रान्स र जर्मनबीच भएको सो युद्धमा लाखौँ मानिस मारिएका थिए ।

डब्लूएच अडेनको जन्म

सन् १९०७ को २१ फेब्रुअरी अर्थात् आजकै दिन प्रसिद्ध अंग्रेज कवि डब्लूएच अडेनको जन्म भएको थियो । उनी आफ्नो युगको प्रमुख अंग्रेजी–भाषाका कविहरूमध्ये एक हुन् ।