युक्रेन-रुस युद्धः कलम र कीबोर्ड छोडेर मानिसहरूको हातमा बन्दुक
एजेन्सी-रुसले युक्रेनमा आक्रमण गरेपछि हजारौँ युक्रेनी नागरिकहरू स्वैच्छिक रूपमा युद्धमा सहभागी भएका छन्। तीमध्ये कतिपयसँग सैन्य सेवाको अनुभव पनि छैन।
अठारदेखि ६० वर्षसम्मको उमेरका युक्रेनी पुरुषलाई देश छोड्न रोक लगाइएको छ।युक्रेनी रक्षा मन्त्रालयका अनुसार किएभ क्षेत्रमा मात्र स्थल प्रतिरक्षा गर्ने सैन्य टोलीका सदस्यहरूलाई २५,००० वटा बन्दुक वितरण गरिएको छ।बीबीसीले हतियार वितरण गर्ने एउटा स्थानमा जाने अवसर पाएको थियो।