दाङमा एनसेल टावरमा आगजनी
दाङ । दाङमा दुरसञ्चार सेवाप्रदायक कम्पनी एनसेलको टावरमा आगजनी भएको छ । शान्तिनगर–५, रगैँजामा रहेको टावरमा गएराति १ बजे अज्ञात समूहले आगजनी गरेको प्रहरीले जनाएको छ ।
प्रहरी प्रवक्ता डीएसपी विनोदविक्रम शाहले विप्लव समूहले आगजनी गरेको हुनसक्ने बताए । घटनाबारे अनुसन्धान भइरहेको शाहको भनाइ छ ।पछिल्लो समय विप्लव समूहले देशका विभिन्न भागमा रहेका एनसेल टावरमा आगजनी गर्दै आएको छ ।
