कञ्चनपुरमा हात्तीको आक्रमणबाट एकको मृत्यु
कञ्चनपुर । कञ्चनपुरमा हात्तीको आक्रमणबाट एकजनाको मृत्यु भएको छ।
शुक्लाफाँटा नगरपालिका-१ गणेशपुरका ६५ वर्षीय बलदेव बोहराको जंगली हात्तीको आक्रमणबाट मृत्यु भएको प्रहरीले जनाएको छ।
घरबाट जंगलको बाटोहुँदै बाणीतर्फ जाने क्रममा बुधबार दिउँसो बोहरालाई हात्तीको बथानले आक्रमण गरेको हो।
उनको घटनास्थलमै मृत्यु भएको अस्थायी प्रहरी पोष्ट बन्साहाका प्रहरी सहायक निरीक्षक महादेव पन्तले जानकारी दिए।
कञ्चनपुरको शुक्लाफाँटा, भीमदत्त र बेदकोट नगरपालिकामा हात्ती आतंक बढेको छ। हात्तीको बथानले बालीसमेत नोक्सान गर्दा स्थानीय किसान मर्कामा परेका छन्।