हरीको सिमाना कविता…
नदी बगिरहेछ सिमानाबिना प्राकृत लयको मीठो धुनसंगै अनि,
माथीबाट हाम्फाल्छ खुसीले झरना र समाहित हुन्छ नदीसंगै मीठो गीत गाउंदै अनि मिसिन्छ नदीसंगै ।
र संगीत थप्छ्न चराहरु चिरबिर चिरबिर ।।। चिरबिर चिरबिर ।।।
जुनलाई चाहिंदैन कुनै परिचय शितलता प्रदान गर्न न खोज्छ सुर्यले सम्मान उज्यालोका खातिर ।।।
चुपचाप कमिलोको मेहनत देखेर गड्यौंला बनांउछ उर्वर माटो , जसरी गड्यौंला र कमिला लागिरहेछ्न एकनासले बस एकनासले पसिनाको गीत गाउंन , हो त्यही गीत छ म संग । म गांउछु श्रमको गीत , र भर्छु पसिनाको संगित निथ्रुक्क निथ्रुक्क ।।
मेरा चलिरहने हात र कुदीरहने खुट्टा नांच्छन पसिनाको संगित संगै ।।
मेरो पसिनाको मीठो सुगन्धले खोज्दैन कुनै कृतीम सुगन्ध , खोज्दैन बनावटिपन ।
मेरो अर्को कुनै परिचित मित्र छैन मेरो पसिना सिवाय , मेरो सपना सिवाय , जसले झकझकांउछ जसले सम्झाउंछ मलाई ! कर्मको कथा, के तपाई तयार हुनुहुन्छ त्यो कथाको , पात्र बन्न ?
