महिला फुटबलको फाइनलमा भारत
पोखरा । १३ औं दक्षिण एसियाली खेलकुद (साग) अन्तर्गत पोखरामा जारी महिला फुटबलमा भारत फाइनलमा पुगेको छ । बिहान (बिहीबार) भएको खेलमा श्रीलंकालाई ६-० ले हराउँदै भारत महिला फुटबलको फाइनलमा पुगेको हो ।
अघिल्लो खेलमा माल्दिभ्सलाई पनि ५-० ले हराएको भारत महिला फुटबलको फाइनलमा पुगेको छ ।
फुटबलको दोस्रो खेल नेपाल र माल्दिभ्सबीच आज २ बजे हुँदैछ । माल्दिभ्सलाई हराउन सक्दा नेपाल फाइनलमा पुग्नेछ भने यसअघिको खेलमा नेपालले श्रीलंकालाई १-० ले हराइसकेको छ ।
