शक्तिशाली भूकम्प, सातको मृत्यु

फिलिपिन्स । मिन्दानाओको पहाडी इलाकामा आइतबार शक्तिशाली भूकम्प जाँदा सातजनाको मृत्यु भएको छ । अन्तराष्ट्रिय समाचा संस्थाका अनुसार ६.८ म्याग्नीच्युडको भूकम्प गएको हो ।

माग्सायसायदेखि तीन माईल दक्षिणपूर्व क्षेत्रमा भूकम्पको केन्द्रविन्दु रहेको प्रकोप जोखिम न्यूनिकरण तथा व्यवस्थापन कार्यालयका अधिकारीहरुलाई उद्धृत गर्दै फिलिपिन्सका सञ्चार माध्यहरुले बताएका छन् । ज्यान गुमोनेमा ६ वर्षीया एक बालिकासमेत रहेकी समाचारमा जनाइएको छ ।

अन्य छ जनाको शव भने पदादा शहरमा रहेको व्यापारिक भवन भित्र च्यापिएको अवस्थामा सोमबार उद्वारकर्ताहरुले फेला पारेको बताइएको छ । भूकम्पपछि १ सय ८० परकम्प गइसकेको अधिकारीहरुले बताएका छन्