पैसा चोर्न बैंकमा १३०० खाता
काठमाडौं १ पुस, ।
सर्वसाधारणको हस्ताक्षर कीर्ते गरेर बैंकबाट रकम चोर्ने गिरोहले डेढ दर्जन बैंकमा एक हजार तीन सयभन्दा बढी खाता खोलेको भेटिएको छ ।
बैंक तथा वित्तीय संस्थामा रहेका व्यक्तिका गोप्य विवरण र हस्ताक्षर चोर्ने समूहले काभ्रे, सिन्धुपाल्चोक, धादिङ, काठमाडौं, भक्तपुर, बागलुङ, पर्वतलगायत जिल्लाका सर्वसाधारणका नाममा शंकास्पद बैंक खाता खोलेको कान्तिपुरमा समाचार छ ।
जनता बैंक (हाल ग्लोबल आईएमईमा मर्ज) को बानेश्वर र न्युरोड शाखाबाट अपरिचित व्यक्तिले गोपालमान राजबहाकका नामबाट १९ लाख ९९ हजार रुपैयाँ चोरेका थिए । यही घटनाको अनुसन्धान गर्ने क्रममा विभिन्न १९ वटटा बैंक तथा वित्तीय संस्थामा शंकास्पद खाता खखोलिएको पत्ता लागेको हो ।
यीमध्ये ३३० खाताको पहिचान भए पनि अन्यको हुन बाँकी रहेको प्रहरीले जनाएको छ ।
