पत्रकार महासंघ कपिलवस्तुलाई ११ सय बढी मास्क
कपिलवस्तु –कोरोना संक्रमण तीब्ररुपमा फैलिरहेका बेला पत्रकार महासंघ कपिलवस्तुलाई ११ सय बढी मास्क प्रदान गरिएको छ । फ्रन्टलाईनमा जोखिम मोलेर आफनो कार्य क्षेत्रमा खटेर काम गरीरहेका संचारकर्मीकालागि ३ जना समाजसेबीले महासंघका जिल्ला अध्यक्ष किरणमान बज्राचार्यलाई सो हस्तान्तरण गर्नु भएको हो ।
माहुरी होमका अध्यक्ष रबि ठाकुरले १ सय २० थान एन ९५ मास्क, समाजसेवाी तथा वडा नम्बर १ का अध्यक्ष सुदीप पौडेलले ५ सय थान सर्जिकल मास्क तथा केही थान सेनिटाईजर प्रदान गर्नु भएको हो । यस्तै कपिलवस्तु नगरपालिदकाका वडा नम्बर २ बर्गदवा का समाजसेबी अशोक गुप्ताले ५ सय थान सर्जिकल मास्क उपलब्ध गराउनुभएको हो ।
जोखिम मोलेर काम गर्ने पत्रकारलाई उत्साह थप्न सो सो सामाग्री प्रदान गरिएको वडाअध्यक्ष सुदीप पौडेलले बताउनु भयो । माहुरी होमका अध्यष रबि ठाकुरले पत्रकारलाई कार्य स्थलमा काम गर्न जोखिम हुने भएकाले त्यसलाइृ मध्यनजर गर्दै मास्क र सेनिटाईजर उपलबध गराइएको बताउनु भयो ।
महासंघका जिल्ला अध्यक्ष बज्राचार्यले सहयोगी हातहरुमा हार्दिक आभार ब्यक्त गर्दै जोखिम मोलेर काम गर्ने पत्रकारहरुलाई साथ दिन आग्रह गर्नु भयो ।