युवा अभियानबाट कपिलवस्तु अस्पताललाई १५ अक्सिजन सिलिन्डर्
कपिलवस्तु –कोरोना भाईरस संक्रमितको संख्या बढे पछि अक्सिजनको चरभ अभाव पछि कपिलवस्तुका तौलिहवाका युवाहरुले चलाएको अभियानबाट कपिलवस्तु अस्पतालाई १५ अक्सिजन सिलिन्डर प्रदान गरिएको छ ।
चम्बर अफ कमर्सका अध्यक्ष गोपी कृष्ण शर्माको अगुवाईमा एक साता देखि अभियान चलाइएको छ । युवाहरूले विभिन्न व्यक्ति तथा संस्थाहरूबाट सहयोग सङ्कलन गरी सहयोगी हातहरू अगाडी बढाइरहेका छन् । सोही क्रममा १५ थान ४७ लिटरको अक्सिजन सिलिन्डर कपिलवस्तु अस्पतालमा कोभिड बिरामीहरूका लागि हस्तान्तरण गर्नु भएको छ ।
अभियानका संयोजक गोपी कृष्ण शर्मा, अधिकारकर्मी रबी ठाकुर व्यवसायी नित्यानन्द वर्माले अस्पताललाई हस्तान्तरण गर्नु भएको हो । अस्पतालका व्यवस्थापक रत्नाकर शुक्ला र कपिलवस्तु नगरपालिकाका प्रमुख किरण सिंहलाई उक्त सामग्री हस्तान्तरण गर्नु भएको हो ।
आगामी दिनमा समेत अन्य क्षेत्रबाट सहयोग सङ्कलन गरी अस्पताललाई आवश्यक पर्ने अक्सिजन तथा स्वास्थ्य सामाग्री सङ्कलन तथा वितरण कार्य जारी राख्ने संयोजक गोपी कृष्ण शर्माले बताउनु भयो ।
साथै कोरोनाको विषम परिस्थितिमा मानवतावादी रूपले सबैले एक आपसमा सहयोग र सहकार्य सुरक्षित रूपमा गर्न समेत अभियानकर्मीहरूले जनाएका छन् ।अभियानमा साढे सात लाख बढी रकम उठेको छ । अरु सिलिन्डर समेत एक दुई दिन र्मै उपलब्ध गराउने अभियानकर्ता शर्माले बताउनु भयो ।
