चितवनमा भेटियो पुरूषको शव, गोली लागेको आशंका

चितवन-चितवनको शारदानगरस्थित घोलमा एक पुरूषको शव भेटिएको छ। भरतपुर–१७ सिमलडाँडा घोलको पानी भित्र शव भेटिएको हो।चितवन प्रहरीका प्रवक्ता सूर्यबहादुर थापाले शव गोली हानी हत्या गरिएको हुनसक्ने बताउनुभयो । ‘घोलमा शव थियो, शव नजिकै गोलीका खोका भेटिएका छन्,’ उहाँले भन्नुभयो , ‘गोली हानेको हो कि जस्तो देखिन्छ।

उहाँले मृतकको पहिचान नभएको बताउनुभयो । बिहान शव भेटिएको खबर आएपछि प्रहरी टोलीले घटनास्थल पुगेर अनुसन्धान गरिरहेको बताउनुभयो ।

मृत पुरूषको टाउकोमा गोली लागेको जस्तो देखिएको थापाले बताउनुभयो । घटनास्थलमा १ थान गोलीको खोका भेटिएको छ।बस्तीदेखि केही पर कालोपत्रे सडक नजिकै रहेको घोलमा शव भेटिएको हो।