१८ किलो गाँजासहित काठमाडौँबाट एकजना पक्राउ
काठमाडौँ– १८ किलो गाँजासहित प्रहरीले काठमाडौंको कागेश्वरी मनोहरा नगरपालिका–५ स्थित थलीबाट एकजनालाई पक्राउ गरेको छ ।सर्लाहीको हरिवन नगरपालिका–९ घर भएका ४२ वर्षीय संजिव राईलाई प्रहरीले पक्राउ गरेको हो ।
महानगरीय प्रहरी परिसर काठमाडौँका प्रवक्ता एसपी रमेश बस्नेतका अनुसार थलीस्थित मिलनचोकमा डेरामा बस्ने राईले लागुऔषध गाँजाको कारोबार गरेको सूचनाका आधारमा पक्राउ गरिएको हो ।अहिले उनीमाथि थप अनुसन्धान भइरहेको एसपी बस्नेतले बताउनुभयो ।