केपी ओली ठीक भएको भए हामी अहिले एमालेमै हुन्थ्यौं:डा. वेदुराम भुसाल
काठमाडौं -नवगठित नेकपा (एकीकृत समाजवादी) का नेता डा। वेदुराम भुसालले अब एमाले अध्यक्ष केपी ओलीको औचित्य सकिएको टिप्पणी गर्नु भएको छ । एकीकृत समाजवादी पार्टी आफ्नो लक्ष्यमा अघि बढिसकेकाले कसैको धाक धम्कीबाट विचलित नहुने उहाँले स्पष्ट पार्नु भयो ।
आज बिहान नेपाली रेडियो नेटवर्क (एनआरएन) को कार्यक्रम नेपाली बहसका लागि पत्रकार ऋषि धमलालाई अन्तरवार्ता दिँदै नेता डा। भुसालले भन्नु भयो , “अब केपी ओलीको औचित्य सकिइसकेको छ । निर्वाचन आयोग, अदालत जता गए पनि केही फरक पर्दैन । माधव नेपालको औचित्य छैन भने किन चिन्ता गरेको केपी ओलीले गाली गर्नबाहेक के जान्नुभएको छ केपीले सही कुरा कहिले गर्नुभएको छ उहाँ ठीक भएको भए हामी अहिले एमालेमै हुन्थ्यौं । उहाँले एमालेलाई जनविरोधी बनाउँदै समाप्त गरेको हेर्न नसकेर अर्को पार्टी गठन गरेका हौं ।”
डा। भुसालले एमाले विभाजनको निर्णयकर्ता ओली नै भएको र २०७७ फागुन २८ गतेको निर्णय बदर गर्न वार्तामा पठाएका आफ्नै १० जना साथीहरुले त्यसैलाई सदर गरेर धोका दिएको पनि बताउनु भयो । उहाँले भन्नु भयो , “हाम्रै साथीहरुले मुद्दा छाडेर प्रतिगमन र राष्ट्रघातको पक्ष लिनु भयो । ओलीसँग आत्मसमर्पण गर्नु भएको छ । हिजो ओलीलाई प्रतिगमनकारी, राष्टघाती र लोकतन्त्र विरोधी भन्नुहुन्थ्यो, आज के भन्नुहुन्छ रु हिजो प्रदेश प्रदेशमा कमिटी बनाउने उहाँहरु नै होइन रु”
उहाँले जिल्ला जिल्लामा कमिटी बन्ने र कार्यालय खुलेका र निकट भविष्यमै राष्ट्रिय सम्मेलन गरिने पनि जानकारी दिनु भयो । साथै उहाँले आफ्नो पार्टीमा नआए वाग्मती र प्रदेश १ का मुख्यमन्त्रीलाई समर्थन नहुने पनि स्पष्ट पार्नु भयो । उहाँले भन्नसु भयो , “हाम्रो पार्टीमा नरहँदा उहाँहरुलाई किन समर्थन गर्ने रु उहाँहरु कसैलाई पनि माधव नेपालको समर्थन रहँदैन । साथमा भए हुन्छ, नभए हुन्न ।”
उहाँले सरकारमा पार्टीको नेतृत्व गरेर जाने इच्छा नभएको र मन्त्री आफ्नो प्राथमिकता नभएको पनि बताउनु भयो । उहाँले भन्नु भयो “हामीले पाँच मन्त्रालय पाउने मोटामोटी सहमति छ । मन्त्रालयको टुंगो लागेपछि मन्त्री टुंगो लाग्छ । मन्त्री छान्न कुनै गाह्रो छैन ।”
