गोरखामा जीप दुर्घटना हुदाँ १४ जना घाइते

गोरखा- गोरखामा जीप दुर्घटना हुदाँ १४ जना घाइते भएका छन् ।गोरखाको गण्डकी गाउँपालिका–८ मलेओडारमा मंगलवार बलेरो जीप दुर्घटना हुदाँ चालकसहित १४ यात्रु घाइते भएका हुन् ।

घाइतेहरुलाई उपचारको लागी धादिङको मलेखु स्थित राजमार्ग सामुदायिक अस्पतालमा लगिएको छ ।बेनिघाटबाट माझीटार तर्फ जादै गरेको बा २० च ४४०० नम्वरको जिप अनियन्त्रित भइ सडकबाट अम्दाजी ५० मिटर तल खसेको डिएसपी प्रकाश दाहालले जनाएका छन् ।

सात जनालाई थप उपचारका लागी चितवन मेडिकल कलेज भरतपुर लगिएको छ । घाइते मध्ये तीन जनाको अवस्था गम्भिर रहेको र दुर्घटनाबारे थप अनुसन्धान भइरहेको प्रहरीले जनाएको छ ।