बिद्यालयको बसमा करेन्ट लाग्दा सहचालकको मृत्यु
सुनवल- नवलपरासी पश्चिम सुनवलको भडरीमा करेन्ट लागेर एक जनाको ज्यान गएको छ ।
जनता आधारभुत बिद्यालय हरकट्टाको लु १ क ७८१२ नम्बरको बसमा करेन्ट लाग्दा सहचालक सन्तोस श्रेष्ठको मृत्यु भएको हो।
आइतबार बिहान ९ बजे जनता आधारभुत बिद्यालयको बसमा बिजुलीको तार चुटेर बसमा करेन्ट लागेको थियो ।
बसमा करेन्ट लाग्दा सहचालक श्रेष्ठ घाईते हुनभएको थियो । उहाँको जिल्ला अस्पतालमा उपचारको क्रममा मृत्यु भएको प्रहरीले जनाएको छ ।
बसमा शिक्षक सहित ४० जना विद्यार्थी रहेको भएपनि सबै सकुशल रहेको प्रहरीले जनाएको छ।
