दाङमा पिकपको ठक्करबाट स्कुटी चालकको मृत्यु
काठमाडौं-दाङमा पिकपको ठक्करबाट आइतबार राति एक जनाको ज्यान गएको छ।
तुलसीपुर-घोराही सडक खण्डमा आइतबार बेलुकी ९:३० बजेतिर पिकअपले स्कुटीलाई ठक्कर दिँदा एक जनाको ज्यान गएको हो।
तुलसीपुर-१७ फोर्टीनाइन चोकका दुर्घटनामा परी २४ वर्षीय ताराबहादुर केसीको मृत्यु भएको प्रहरीले जनाएको छ।
गम्भीर घाइते केसीको उपचारका क्रममा: राति नै राप्ती प्रादेशिक अस्पतालमा मृत्यु भएको हो।
तुलसीपुरबाट घोराहीतर्फ जाँदै गरेको लु१च ६२८९ नम्बरको पिकअपले घोराहीबाट तुलसीपुरतर्फ आउँदै गरेको रा५प ९०६६ नम्बरको स्कुटीलाई ठक्कर दिएको थियो।
