२२ चैतभित्र गठबन्धनको अवस्थाबारे स्थानीय र प्रदेशको रिपोर्टिङ केन्द्रलाई गरिसक्नुपर्ने
काठमाडौं- सत्ता गठबन्धन बैठकले स्थानीय तह निर्वाचनलाई मध्यनजर गर्दै चैत २२ गतेभित्र स्थानीय र प्रदेशको रिपोर्टिङ केन्द्रलाई गरिसक्नुपर्ने निर्णय गरेको छ । बिहीबार प्रधानमन्त्री निवास बालुवाटारमा बसेको सत्ता गठबन्धन बैठकले गाउँपालिका,जिल्ला र प्रदेशमा गठबन्धनको अवस्थाबारे रिपोर्टिङ केन्द्रलाई गर्नुपर्ने निर्णय गरेको हो।
सरकारका प्रवक्ता ज्ञानेन्द्रबहादुर कार्कीका अनुसार प्रदेश,जिल्ला र गाउँपालिकामा पाँच दलका प्रमुखको नेतृत्वमा बन्ने समितिले प्रतिवेदन तयार गर्नुपर्नेछ । उहाँले न्नु भयो बैशाख ३० गते हुन गइरहेको स्थानीय तह निर्वाचनमा पाँच दलीय गठबन्धनले तालमेल गर्ने निर्णय भएको छ । त्यसका लागि प्रदेशका दलहरु सम्मिलित नेताहरुको समिति बन्छ । प्रदेशस्तरीय काम प्रारम्भ गर्छ । जिल्लास्तरमा जिल्लाका प्रमुखहरुको समिति बन्छ ।
त्यो समितिले आफ्नो काम प्रारम्भ गर्छ । स्थानीयस्तरमा स्थानीयस्तरका प्रमुखहरुको समिति बन्छ । त्यो समितिले आफ्नो काम प्रारम्भ गर्छ । २२ गते भित्र आफ्नो प्रदेश, जिल्ला र गाउँपालिकामा पाँच दलको अवस्था कस्तो छ रु केन्द्रलाई विस्तृत रुपमा प्रतिवेदन पेश गर्छ ।यस्तै बैठकले पाँचदलीय गठबन्धन एक ठाउँमा उभिएर चुनावमा सहभागी हुने निर्णय गरेको छ।
