इटालीले हंगेरीलाई हरायाे
एजेन्सी- यूईएफए नेसन्स लिग फुटबलमा इटालीले पहिलो जित निकालेको छ ।
समूह चरण अन्तर्गत मंगलबार राति हंगेरीलाई २-१ गोल अन्तरले हराउँदै इटालीले पहिलो जित निकालेको हो ।
इटालीलाई जित दिलाउन निकोलो बरेला र लोरेन्जो पेल्लिग्रिनीले एक एक गोल गरेका थिए ।
यस्तै इटालीकै जियानलुका मान्सिनीले आत्मघाती गोल गरे ।
खेलको ३० औं मिनेटमा बरेलाले गोल गर्दै इटालीलाई सुरुआती अग्रता दिलाएका थिए ।
४५ औं मिनेटमा पेल्लिग्रिनीले गोल गर्दै इटालीलाई २-० को अग्रता दिलाए ।
त्यसपछि ६१ औं मिनेटमा मान्सिनीले आत्मघाती गोल गरेपनि इटाली २-१ ले विजयी भयो ।
यस जितसँगै लिग ए समूह ३ को इटालीले २ खेलमा ४ अंक जोडेको छ ।
इटाली समूहको शीर्ष स्थानमा रहेको छ ।