प्रतितोला आठ सयले बढ्यो सुनको मूल्य
काठमाडौँ- सुनचाँदी बजारमा आज छापावाल सुनको मूल्य अघिल्लो कारोबार दिनका तुलनामा प्रतितोला रु. आठ सयले बढेको छ । अघिल्लो दिन प्रतितोला रू. एक लाख एक हजारमा कारोबार भएको सुनको मूल्य आज रू. एक लाख एक हजार आठ सय तोकिएको छ ।
नेपाल सुनचाँदी व्यवसायी महासङ्घले सार्वजनिक गरेको विवरणअनुसार आज तेजाबी सुनको मूल्य प्रतितोला रू. एक लाख एक हजार तीन सय छ । यसको मूल्य अघिल्लो दिन रू. एक लाख पाँच सय थियो ।
