ट्याक्टर दुर्घटनामा एकको मृत्यु
अर्घाखाँचीमा ट्याक्टर दुर्घटना हुँदा एक जनाको मृत्यु भएको छ । सन्धिखर्क नगरपालिका –१० धरम्पानीमा लु. ३ त ६४८ नम्बरको ट्याक्टर दुर्घटना हुँदा एक जना बालकको मृत्यु भएको हो ।
मृत्यु हुनेमा सन्धिखर्क नगरपालिका –९ राजुपानी निवासी १४ वर्षीय सन्दीप बिक रहेको जिल्ला प्रहरी कार्यालय अर्घाखाँचीका प्रहरी प्रमुख प्रतीकसिंह राठोरले जानकारी दिनुभयो ।
राठोरका अनुसार मुढा बोकेको ट्याक्टर आदर्श आधारभूत विद्यालयको घुम्तीमा ट्रली फुत्किएर दुर्घटना भएको जनाइएको छ । ट्रलीमा रहेका काठका मुढाले च्यापिएर बिकको घटनास्थलमै मृत्यु भएको हो । घटनाबारे थप अनुसन्धान भइरहेको प्रहरीले जनाएको छ ।
