Connect with us
Kapilvast Forest

भारतीय पक्षकाे दुर्व्यवहारले इन्धन ढुवानी ठप्प

२०७६, २१ असार शनिबारमा प्रकाशित

काठमाडौं । मजदुर आन्दोलनले जोगवनी नाका हुँदै भारतबाट आयात हुने पेट्रोलियम पदार्थ शुक्रबार आउन सकेन। पूर्वाञ्चल पेट्रोलियम ढुवानी व्यवसायी संघ र पेट्रोलियम ट्यांकर चालक संघको आह्वानमा ढुवानी मजदुरले आन्दोलन शुरु गरेपछि इन्धन आयात ठप्प भएको हो।

६ सय बढी मजदुरले भारतको बरौनी डिपोबाट हुँदै आएको ढुवानी ठप्प पारेपछि शुक्रबार पेट्रोल र डिजेल बोकेका ट्यांकर नेपाल प्रवेश गर्न पाएनन्। भारतीय पक्षले दुःख दिने र ट्यांकर चालकमाथि अभद्र व्यवहार गर्ने क्रम बढेपछि ढुवानी रोक्नु पर्ने अवस्था आएको नेपाल पेट्रोलियम ट्यांकर चालक संघका अध्यक्ष केशव अचार्यले जानकारी दिए। ‘मजदुरमाथिको गलत हर्कत र दुव्र्यवहार रोकिनु पर्छ भन्ने हाम्रो माग हो’, उनले भने।

भारतीय भूमीबाट सहज रुपमा ट्यांकर ल्याउने वातावरण नबनेसम्म इन्धन लोड अनलोड नगर्ने आचार्यको भनाइ छ। भारतको मिरगञ्जदेखि जोगवनीसम्मको ४ किलोमिटर सडक भत्किएर दोहोरो सवारी साधन आवतजावतमा समस्या भएको छ।

लोड भएर आएका सवारी साधनलाई नेपाल प्रवेश गर्नका लागि मात्रै जोगवनी नाका प्रयोग गर्न दिने नेपाल र भारतका अधिकारीबीच सहमति भएको थियो। खाली गाडीलाई भने भारत फर्काउन निर्माणाधिन आईसीपीको बाटो प्रयोग गर्ने र जोगवनीको प्रयोग गर्न नदिने सहमतिमा उल्लेख थियो।, अन्नपूर्ण पोस्ट् दैनिकले खबर प्रकाशित गरेको छ ।

Vijay Steel Galaxy Crusher Chandrauta Kapilvastu Shivaraj
Advertisement Agriculture Development Bank Bahubali Cement
Advertisement Siddhartha Education Consultancy Chandrauta Kapilvastu Sadak Division Shivaraj Chandrauta Kapilvastu Shivaraj Chandrauta Kapilvastu Shivaraj Chandrauta Kapilvastu Bikar Etta Udhyog Kapilvastu: न्यु ज्याेति ईट्टा उद्योगको उत्कृष्ट ईट्टा,