पूर्वमन्त्री यमी दुर्घटनामा घाइते
काठमाडौं । पूर्वमन्त्री हिसिला यमी मोटरसाइकल दुर्घटनामा परी घाइते हुनुभएको छ । पूर्व भौतिक पूर्वाधार तथा यातायातमन्त्री तथा समाजवादी पार्टी नेपालकी नेतृ यमी आइतबार दिउँसो दुर्घटनामा परेर घाइते हुनुभएको हो ।
नेतृ यमीका पति तथा पूर्व प्रधानमन्त्री बाबुराम भट्टराईका स्वकीय सचिव रोशन पोखरेलले दुर्घटनाबारे जानकारी दिनुभयो । पोखरेलका अनुसार पार्टी कामको सिलसिलामा निवासबाट पार्टी कार्यालय बालकुमारी जाँदै गर्दा बल्खु चोकमा स्कुटर दुर्घटनामा परी घाइते हुनु भएको यमीको अवस्था सामान्य छ ।
बल्खु चोकमा अनटेष्ट मोटरसाइकलले ठक्कर दिएपछि यमी सवार स्कुटर दुर्घटनामा परेको थियो । यमीको बिएण्ड बी अस्पतालमा उपचार भइरहेको छ ।